TAWARIKH 2 32:17 - Alkitab Singog In Mongondow Masa In Tanaa

¹⁷ Ki datu in Asyur in nomais doman kon surat inta moḷawang kon i Tuhan, Allah inta sinumba in intau Israel. Nanaa in tombonu in surat tatua, “Dewa mita in bayongan in bangusa ibanea diábí mokopoḷuat kon bangusanea nongkon kawasa ku, natuabí doman in dewa i Hizkia tua diábí doman mokopoḷuat kon bangusanea nongkon kawasa ku.”

TAWARIKH 2 32:17 ပူးပေါင်းရင်းမြစ်များ

DATU MITA 2 19:11

Iko in nokodongogdon kon bayongan in butá inta sinubu in datu mita in Asyur, in irimumudbí komintan. Dikabí morai kon iko in kotaḻiban!

DATU MITA 2 19:12

Kon dodai in mogoguyangku norimumud kon kotá in Gozan, Haran, bo Rezep, poḷat noḻimod kon intau in Eden inta nogutun kon Telasar, diábí in tobatúmai in nongkon dewa mita monia in nokoposaḷamat kon i monia.

DATU MITA 2 19:14

Ki Hizkia in notarima kon surat tatua nongkon totabá mita, bo binacanea. Onda intua minayá in sia kon Baḷoi Tuhan, bo binukánea in surat tatua kon tayowon i Tuhan,

DATU MITA 2 19:22

Kinotaauanmu degá mongo ki ine in sinibáanmu bo pinopoompámumai tatua? Akuoi, Allah in Israel, Allah inta motusi! Mokaḷakuang totok in dodiamu kon i-Nakó.

DATU MITA 2 19:28

Kinotaauan-Kubí kon iko in sinumorú totok kon i-Nakó, bo kinodongogan-Ku domandon in kaḷakuangmu tatua. Tanaa in popopakéan-Kudon in kokarit kon ngiungmu bo rante kon bibigmu, sinbá uguton-Kudon in iko mongin daḷan inta binayáanmu kon tungkuḷ in namangoi.”

DATU MITA 2 19:9

Ki datu in Asyur in notarimadon kon habar kon tontara in Mesir inta kon bonu in tongganut i Tirhaka datu in Sudan taya-tayamangoidon sin monubu kon i monia. Tuamai, ki datu in Asyur nokidiadon in surat kon i Hizkia datu in Yohuda.

TAWARIKH 2 32:14

Ki ine in nongkon sigad monia in nokoimontandon nogaid kon natua? Diábí doman in dewamu in mokoposaḷamat kon i monimu!

TAWARIKH 2 32:16

Nobayongpa doman in tosingogon ibanea in siningog in totabá mita in Asyur tatua sin moningkuḻe kon i Tuhan Allah bo kon i Hizkia, mogogundoi i Tuhan tua.

NEHEMIA 6:5

Kon iḻimaneadon intau i Sanbalat namangoi bo nobogoi in surat inta diá binakut

YESAYA 10:15

Táe ki Tuhan in noguman, “Degá motaau in boḻiung in dumodia kon intau inta mopomaké kon inia? Degá garagaji in moponti-ponting in intau inta nopomaké kon inia? Deemanbí bobobak in nobuat kon intau, táe intaubí in motonggó kon bobobak.”

YESAYA 37:14

Ki Hizkia in notarima kon surat tatua nongkon totabá mita poḷat binacanea. Onda intua minayá in sia kon Baḷoi Tuhan bo nobuká kon surat tatua kon tayowon i Tuhan,

WAHYU 13:6

Bo sia in mulaidon nohojat kon i Allah, bo kon tangoi i Allah, bo kon tampat doman pinogutunan i Allah, takin bayongan inta nogutun kon soroga.

SAMUEL 1 17:26

Bo ki Daud in noguman, “Mobaranibí totok in intau in Pilistin kaper tatua monontot kon tontara i Allah inta nobiag!” Onda intua noḻibó in sia kon tontara tobatú, “Onu in ogoi kon intau inta mokoḻimod kon intau in Pilistin tatua bo momopat kon tosingogon mopoonagmai kon Israel?”

SAMUEL 1 17:36

Bobantungmu naa in ain noḻimod kon singa andeka beruang, bo intau in Pilistin kaper tatua in potongkaionku domandon ná mahaḷuk mita tatua, sin sia in mokobaḻídon mopoonagmai kon tontara mita inta nongkon i Allah inta nobiag.