TAWARIKH 2 32:13 - Alkitab Singog In Mongondow Masa In Tanaa

¹³ Degá diábí kinotaauan monimu onu inta ain inaidanku bo in mogoguyangku kon bangusa mita ibanea? Diápabí kon dodai onda in dewa mita in bangusa ibanea nopoḷuat kon bangusanea nongkon kawasa in datu in Asyur!

TAWARIKH 2 32:13 ပူးပေါင်းရင်းမြစ်များ

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

TAWARIKH 2 32:14

Ki ine in nongkon sigad monia in nokoimontandon nogaid kon natua? Diábí doman in dewamu in mokoposaḷamat kon i monimu!

TAWARIKH 2 32:19

Mosia in mongonguman kon i Allah inta sinumba kon Yerusalem notongkai ná doman dewa mita in bangusa ibanea, inta patong mita inta pinomia in intau.

YESAYA 10:14

Bangusa mita kon dunia naonda bo pugad in ḷagapan; nogampangkubí totok in nogamá kon kapunyaan monia, naonda bo intau norakup kon natu inta sinaḷáan kon pugad. Diábí in koḻikip in mongaḻikokab, diábí in mobuká kon popadoknea andeka mociap.”

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.