TAWARIKH 2 32:11 - Alkitab Singog In Mongondow Masa In Tanaa

¹¹ Degá ki Hizkia in noguman kon ki Tuhan Allahmu in mopoḷuat kon i monimu nongkon kawasa nami? Dika mopirisaya, sin tongábí in sia monguboḷ kon i monimu. Sia in mopomayábí mako kon i monimu matoi in gogoy bo rogang.

TAWARIKH 2 32:11 ပူးပေါင်းရင်းမြစ်များ

DATU MITA 2 18:27

Tubag in porwira tatua, “Eta tongá kon i monimu bo kon i datumu in pinopotabáan kon inakó i datu in Asyur kon mopotaau in bayongan in tanaa? Diá! Akuoi in moyosingog takin rayat inta iḻimitú kon dinding tatua, inta moyotakin monimu mokaan kon taainea tontaní bo monginum kon tapangnea tontaní.”

DATU MITA 2 18:30

Dika mokidongog kon dondouḷugnea kon mogoḷat kon i Tuhan. Dikabí morai kon ki Tuhan in moposaḷamat kon i monimu andeka mogimaḷow kon tontara in Asyur in mogagow kon kotámu.

DATU MITA 2 19:10

Nanaa in bonu in surat tatua, “Dika koakaḷan in dandi i Allahmu inta pongatamu tua kon iko in diábí moḷabú kon bonu in ḻimaku.

TAWARIKH 2 32:10

“Akuoi ki Sanherib datu in Asyur, moibog moḻibó nongonu sin mobaranibí totok in moiko in tantú mogutun kon Yerusalem inta koyogotdon in kinopung tatua.

TAWARIKH 2 32:12

Siabí tua inta ain norimumud kon tampat mita pooibadaan bo mezbah mita kon i Tuhan, bodongka nopotabá kon intau in Yohuda bo Yerusalem noibada poḷat notubá kon dupa tongá kon mezbah tobatú.

TAWARIKH 2 32:15

Dikabí pomayá mako in datumu tatua mongakaḷ bo monguboḷ kon i monimu! Dika mopirisaya kon inia! Sin diábí kon dodai onda in dewa in bangusa taondaka in mokomampu mopoḷuat in bangusanea nongkon kawasa in datu in Asyur. Notantú bidon kon dewamu tua in diábí doman mokopoḷuat kon i monimu!”

MAZMUR 22:8

Bayongan inta nokoontong kon inakó, noempeng kon inakó, noruit kon bibig bo nomombiḻing.

MAZMUR 3:2

O Tuhan, totuu mobarong in musungku, totuu mobarong in monubu kon inakó!

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 71:11

Guman monia, “Sinaḷáandon i Allah in sia; igai aḷowan naton bo domokon in sia, sin diábí in moposaḷamat kon inia.”

YESAYA 36:12

Tubag in porwira in Asyur tatua, “Eta tongá kon i monimu bo kon i datumu tontaní in pinopotabáan i datu in Asyur kon inakó sin mopotaau in bayongan naa? Akuoi in mosingog doman kon rayat inta iḻimitú kon dinding tatua, inta moyotakin monimu mokaan kon taai monia tontaní bo monginum kon tapangnea tontaní.”

YESAYA 36:18

Dika indongogan in ki Hizkia! Sia in tongábí monguboḷ kon i monimu takin moguman kon ki Tuhan in moposaḷamatbí kon i monimu. Degá nokoimontandon in dewa in bangusa ibanea in nokoposaḷamat kon ḻipúnea nongkon kawasaku?

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”