TAWARIKH 2 30:9 - Alkitab Singog In Mongondow Masa In Tanaa

⁹ Aka moiko bo mobui mogundoi kon i Tuhan, dá intau mita inta nogakut kon ginaḷum motoḷuadímu nobaḻí intau mita inta dinakop, koangoiandon in tabi bo ogoidon monia mobui in mosia. Ki Tuhan Allahmu in ki Allahbí inta mopia bo oyúon kototabi; tarimaan-Neabí in moiko aka moiko mobui mangoi kon i-Nia.”

TAWARIKH 2 30:9 ပူးပေါင်းရင်းမြစ်များ

DATU MITA IMITÁNEA 8:50

Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

MAZMUR 106:46

Binaḻí-Nea in mosia kinotabi in bayongan in intau inta nodakop kon i monia.

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

MAZMUR 86:15

Táe Iko, o Tuhan, ki Allah inta motabi bo mopia in gina, mosabar, nopuḻing in tabi bo mosatia.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 18:17

Naonda bo ḷobud inirup in tompot in pomukaan, natuata in umat-Ku porariton-Ku kon tayowon in musung. Aka moiangoi in anib, toḻikudan-Kubí in mosia bo diábí motuḷung kon i monia!”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

ULANGAN 30:1

“Tanaa in motaaudon momiḻí mongo barakat ande kutuk ná inta ininsilanganku kon inimu. Aka moiko nokorasadon kon bayongan in yoyiga tatua bo nobiag kon sigad in bangusa mita ango angoi kon tampat pinoporaritan i Tuhan Allahmu, yo moiko in mokotorop bidon kon onu in piḻíon inta inogoiku kon inimu.

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.