TAWARIKH 2 30:8 - Alkitab Singog In Mongondow Masa In Tanaa

⁸ Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 2 30:8 ပူးပေါင်းရင်းမြစ်များ

DATU MITA 2 23:26

Táe oaid i Datu Manasye ain nokopomuká kon torú i Tuhan kon Yohuda; bo torú-Nea tatua in diápabí noinggamá.

TAWARIKH 1 29:24

Komintan pojabat in pomarenta bo tontara noidapot kon adí mita ḷoḷaki i Daud ibanea in nongakubí kon kawasa i Salomo saḷaku datu.

TAWARIKH 2 28:11

Indongogai! Intau mita inta dinakop tanaa in ki utatmubí mita. Dá, potabádon in mosia mobui. Aka diá, ki Tuhan in tumorú bo mohukum kon i monimu.”

TAWARIKH 2 28:13

Mosia in noguman, “Dika diaan in intau mita inta dinakop tatua kon naa! Kita in binaradosadon kon i Tuhan, bo dosa mita naton in totuudon moḷoben sin hukumon. Tanaa in moiko mogaid kon tobatú aid inta tongá mokodugang kon taḷá naton.”

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

TAWARIKH 2 7:16

Bayongan intua aidan-Ku sin tampat tanaa in piniḻí-Kudon bo sinondí-Kudon mobaḻí tampat poibadaan kon i-Nakó mononoi. Indoian-Kubí intua bo ḷukadan-Ku kinoouputbí in dunia naa.

EZRA 10:14

Ogoidon in itoi nami in mogutun kon Yerusalem bo mogimpaḷut kon soaḷ tatua. Bo kon batúan in intau kon kotá mita nami, inta kobuḷoi nongkon bobay in bangusa ibanea, in mustibí mamangoi podudui in wakutu inta ain sinantú, moyotakin in itoi mita bo hakim mita in kotánea-kotánea. Tua in aidan sinbá ki Tuhan Allah in diádon tumorú bui kon i naton popisí in pelekara tatua.”

EZRA 10:19

Mosia in nodandi kon monggaatbí kon i buḷoi monia, bo mosia in noposumba in domba koḷakian sin pokuruban kon pongampungan kon dosa monia.

MAZMUR 63:2

O Allah, Ikobí in ki Allahku, tayakonku bo kotanobanku in Iko. Naonda bo butá noḷogat inta morogang in tubig, natuata in rogangku kon ini-Mu.

MAZMUR 68:24

sinbá moiko mopomatá in dugú monia kon sioḷmu, bo ungkúmu mita in nodilá kon tua modapot in moorop.”

MAZMUR 68:31

Guakaidon in Mesir, mahaḷuk moraat tatua kon yuak in utó. Toboḷowdon in bangusa mita, paanan in bantong tatua takin ki adínea mita, inta mosiritakandon sin moporigugut in saḷaka. Ki Allah in noporaritdon in bangusa mita inta moibog moparang.

MAZMUR 73:17

Imbuitnea sinumuot in akuoi kon Baḷoi i Tuhan, bo kinomangaḻeankudon in imbuit in intau moraat.

MAZMUR 78:49

Sia in nopouma in torú-Nea inta modoko-dokot takin nopotabá mangoi in tongopaanan in malaekat momomatoi inta nokopobaḻí kon i monia kinobuḻian in kamang.

IḶUAIAN 32:9

Kinotaauan-Kubí kon bangusa mita tatua panggit in gina.

YEREMIA 50:15

Pokokowdon kokow in parang kon ḻibumai in kotá tatua! Tanaa Babel in ain sinumungkud. Pandongnea mita in dinangatandon bo inumpag. Akuoi in koyogotdon motuḻí kon Babel. Tuamai in popoaidon kon i monia in onu inta pinopoaid monia kon intau mita ibanea.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

SURAT I PAULUS KON JAMAAT RUM 10:21

Táe soaḷ bangusa Israel, ki Nabi Yesaya in nosingog nanaa, “Nanaa in pirman i Allah, ‘Tumongo singgai Akuoi in mopoabat in ḻima-Ku kon tobatú bangusa inta motogat in gina bo diá motoindudui.’ ”

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

ULANGAN 10:16

Dá pinangkoi kon tanaa mako moiko in musti motoindudui kon i Tuhan bo dikadon bui mokopotontogat kon gina.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

ULANGAN 6:17

Duduiaidon in bayongan hukum inta inogoi i Tuhan Allahmu kon inimu.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.