TAWARIKH 2 3:1 - Alkitab Singog In Mongondow Masa In Tanaa

¹ Ki Datu Daud in nonantúdon kon Baḷoi Tuhan in mustibí posindogon kon Yerusalem kon Buḷud in Moria kon tampat poḷoḻintogan kon gandum inta kapunyaan i Arauna intau in Yebus. Pinoposindogan kon Baḷoi Tuhan tua in ain pinangkoian i Datu Salomo

TAWARIKH 2 3:1 ပူးပေါင်းရင်းမြစ်များ

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

TAWARIKH 1 21:18

Bo malaekat i Tuhan in nopotabá kon i Gad mopotaau kon i Daud kon sia in mustibí moponik kon tampat pororipúan kon gandum i Arauna bo moposindog in mezbah kon i Tuhan kon tua.

TAWARIKH 1 22:1

Dá ki Daud in noguman, “Kon tampat tanaa in mustibí posindogon in Baḷoi Tuhan Allah. Bo kon mezbah tanaadon intau in Israel musti moposumba in kuruban payongon kon i Tuhan.”

TAWARIKH 1 6:10

ki Azarya (sia in nogundoi kon bonu in Baḷoi Tuhan inta pinosindog i Datu Salomo kon Yerusalem),

TAWARIKH 2 3:2

kon buḷan nogindua kon taong noginggopat kon pinomarentaannea.

OUMAN IN RASUL MITA 7:47

Táe ki Salomo bidon in noposindog in Baḷoi i Allah tatua.