TAWARIKH 2 28:2 - Alkitab Singog In Mongondow Masa In Tanaa

² Sia in nobiag naonda bo datu mita in Israel bo nokiaid kon intau in patong mita in Baal nongkon logam,

TAWARIKH 2 28:2 ပူးပေါင်းရင်းမြစ်များ

TAWARIKH 2 21:6

Sia in dinumudui kon kobobiag i Datu Ahab bo datu mita in Israel ibanea, sin sia in notonibuḷoi in adí bobay tobatú i Ahab. Binaradosa in sia kon i Tuhan,

TAWARIKH 2 33:3

Tampat mita pososumbaan kon berhala inta ain irumbun i Hizkia, ki amánea, pinosindognea bui. Sia in noposindog in mezbah mita sin poibadaan kon i Baal, bo nogaid in sia kon patong mita i Dewi Asyera, bo poḷat nosumba kon tundi mita.

IḶUAIAN 34:17

Dika momia poḷat mosumba kon ilah mita inta pinomia nongkon logam.

YESAYA 2:8

Kon bayongan tampat oyúon in berhala, bo mosia in mosumba kon patong mita inta pinomia monia tontaní.

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEREMIA 32:35

Mosia in noposindog in mezbah mita kon i Baal kon Ḷopá in Hinom, bo noposumba in adí mita monia kon i Dewa Molokh. Bokaka, Akuoi in diábí nokoimontanmai in nokiaid in natua kon i monia, noidapotbí in diábí kon dodai in onda in noigonúmai kon gina-Ku kon mosia in mogaid kon inta totok in moraat natua bo mokopopisí kon intau in Yohuda baradosaan.”

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

HOSEA 2:17

Diá bidon ogoi-Ku in sia in monangoi bui kon tangoi in Baal, dá koḻiongandon in intau in tangoi tatua.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

HAKIM MITA 2:11

Onda intua intau in Israel binaradosadon kon i Tuhan. Mosia in diá bidon nosumba kon i Tuhan, Allah in mogoguyang monia, ki Allah inta ain nodia kon i monia iḻumuai nongkon Mesir. Mosia nomangkoidon nosumba kon i Baal bo kon i Asytoret takin dewa mita ibanea inta sinumba in bangusa mita inta kon diugmai monia. Dá ki Tuhan sinumorú kon i monia bo pinomayá-Neadon mako in musung nonubu bo nogagow kon i monia. Mosia kinodaitandon in akaḷ in tumayow kon musung mita inta ain noḻipung kon i monia.