TAWARIKH 2 28:1 - Alkitab Singog In Mongondow Masa In Tanaa

¹ Ki Ahas in nobaḻí datu kon dodai in umur doyowa nopuḷú notaong, bo sia in nomarenta kon Yerusalem mopuḷú bo onom notaong in koonggotnea. Sia in diábí dinumudui kon aid mopia i Datu Daud, mogoguyangnea, táe nogaidbí kon onu inta diá nokosanang kon gina i Tuhan.

TAWARIKH 2 28:1 ပူးပေါင်းရင်းမြစ်များ

TAWARIKH 2 17:3

Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

TAWARIKH 2 27:2

Ki Yotam in nokosanang kon gina i Tuhan, ná ki Uzia ki amánea. Tongá sia in diábí notubá kon dupa kon Baḷoi Tuhan, ná inta inaidan i amánea. Umpaka natua, rayat in umuranbí doman nogaid kon dosa.

TAWARIKH 2 27:9

Sia in minatoi bo iḷobong kon Kotá i Daud, bo ki Ahas ki adínea ḷoḷaki in nobaḻí datu nomaḷui kon inia.

TAWARIKH 2 28:19

Popisí in ki Ahas datu in Yohuda nonaḷámai kon i Tuhan bo diá nomarenta kon rayatnea ná inta musti aidannea, dá ki Tuhan in nopoangoidon in roriga kon Yohuda.

TAWARIKH 2 29:2

Ki Hizkia in nogaid kon onu inta kinoibog i Tuhan ná ki Datu Daud mogoguyangnea.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

HOSEA 1:1

Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.