TAWARIKH 2 27:4 - Alkitab Singog In Mongondow Masa In Tanaa

⁴ Sia in noposindog in kotá mita kon buḷud in Yohuda bo dinding mita takin ḷangkeang mita kon kayuon mita.

TAWARIKH 2 27:4 ပူးပေါင်းရင်းမြစ်များ

TAWARIKH 2 14:7

Guman i Asa kon rayat in Yohuda, “Koḻigai in kita moginropot kon kotá mita takin modinding poḻibuon bo ḷangkeangnea mita takin doman bonawang bonoboinea. Kinawasaandon naton in butá tanaa sin kita in dinumuduidon kon ibog i Tuhan Allah naton. Sia in noḷukad kon i naton bo nobogoi in kaamanan kon bayongan in butá naton.” Dá nomangkoidon in mosia noposindong bo noginḷapat kon oaidan mita tatua pia-pia mako.

TAWARIKH 2 17:12

Natuata in nobaḻí, koonggot-koonggot koḷoben-koḷobendon in kawasa i Yosapat. Kon sinangkub in Yohuda noposindog in sia in dinding bo kotá mita inta pototagúan kon tongkaaḷ.

TAWARIKH 2 27:5

Sia in nomarang bo nonaḷow kon i datu in Amon takin tontaranea, bo nomakisa kon in intau in Amon moguboḻi kon iba. Pomuḷoi in taong, toḷu notaong noyodudui in koonggotnea mosia in mustibí mopoguboḻi in 3.400 nokilo in saḷaka, doyowa norupa in gandum, tumongoribu noton.

LUKAS 1:39

Diá noonggot kon tua, ki Maria minayá in tobatú kotá kon buḷud in Yudea.