TAWARIKH 2 26:9 - Alkitab Singog In Mongondow Masa In Tanaa

⁹ Sinbá moropot in kotá in Yerusalem, dá ki Uzia in noposindog in ḷangkeang kon Bonawang Sikunea, kon Bonawang in Ḷopá bo kon kinoboyukan in dinding.

TAWARIKH 2 26:9 ပူးပေါင်းရင်းမြစ်များ

DATU MITA 2 14:13

Ki Yoas in nodomok kon i Amazia, bodongka minayá in Yerusalem bo norumbun kon dinding in kotá tatua degá doyowamai nogatut nometer in koḷanggónea, pinangkoi kon Bonawang in Epraim nodapot kon Bonawang kon Sikunea.

TAWARIKH 2 25:23

Ki Yoas in nodomok kon i Amazia bo dinia kon Yerusalem, bo nogumpag kon dinding in kotá tatua inta degá doyowamai nogatut nometer, pinangkoi nongkon Bonawang in Epraim nodapot in Bonawang Sikunea.

NEHEMIA 2:13

Nodoḷompa in dodai intua, kon tungkuḷ in kami nonaḷámai kon kotá nongin Bonawang Ḷopá kon dotá in toyopan. Kami in nopobayá ná toḷatan, minayá ná Bonawang Yoyatan, nongin Bokaká in Naga. Kon binayáan tatua akuoi in nonaridi kon dinding mita in kotá inta nogoguyaat bo inontongku doman in bonawang inta ain nodait kinaan in tuḷú.

NEHEMIA 2:15

Dá kami in nosiḻig kon Ḷopá in Kidron bo nongingguput kon bobayáan doḷom tua, sindaḷan monaridi kon dinding in kotá. Onda intua kami nomurow bo nobui kon kotá nongin Bonawang Ḷopá.

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

ZAKHARIA 14:10

Sinangkub in butá nongkon Geba kon utuan modapot in Rimon kon toḷatan, in mobaḻí butá motondodai. Táe Yerusalem in moisindogdon moḷantud totok, moḷantu-ḷantud nongkon butá mita inta kon diugneamai; kotá tatua in moibendar nongkon Bonawang in Benyamin modapot in Bonawang Sikunea, tuata in bonawang Dungkuḷ bo nongkon Ḷangkeang in Hananeel modapot kon pomomugutan kon anggur kapunyaan i datu.