TAWARIKH 2 26:8 - Alkitab Singog In Mongondow Masa In Tanaa

⁸ Intau in Amon noguboḻi kon iba kon i Uzia. Kodugang-kodugangdon in kawasanea dá sia in ponango-nangoiandon nodapot in Mesir.

TAWARIKH 2 26:8 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 19:38

Adí induanea nopononggadí doman in adí ḷoḷaki inta sinangoiannea ki Ben-Ami. Sia in nobaḻí mogoguyang in bangusa Amon inta masai naa.

SAMUEL 2 8:13

Tangoi i Daud nodungangdon ponango-nangoian kon dodai in sia nobui naonda in noḻimod kon 18.000 in intau in Edom kon Ḷopá in Asin.

SAMUEL 2 8:2

Ki Daud in nonaḷow doman kon intau in Moab. Pinoki siugannea in mosia kon butá, bodongka iḻimodnea in intau doyowa kon sigad in pomuḷoi in intau toḷu. Dá intau in Moab notogu ondokdon kon i Daud bo noguboḻi kon pajak kon inia.

DATU MITA IMITÁNEA 4:31

Sia in totu-totuubí kon totok in mopandoi noiḻiu kon bayongan in intau. Sia in noiḻiubí kon i Etan intau in Ezrahi, ki Heman, ki Kalkol bo ki Darda adí mita i Mahol. Tangoi i Salomo ponangoi-nangoiandon totok kon ondakabí kon butá mita kon diugmai in dodatuan nea.

TAWARIKH 1 14:17

Dá pinonango-nangoiandon in tangoi Daud kon bayongan tampat, bo binaḻídon i Tuhan in bayongan bangusa moondok kon i Daud.

TAWARIKH 2 17:11

Sia in notarima kon nobayong in saḷaka nongkon intau in Pilistin bo tombuinag mita ibanea, bo nongkon intau in Arab sia in notarima kon 7.700 in domba bo 7.700 in bembé.

TAWARIKH 2 20:1

Noiduduimai kon tua tontara in Moab bo Amon, noyotakin in yobayat monia inta tontara in Meunim, nonubu kon Yohuda.

TAWARIKH 2 26:9

Sinbá moropot in kotá in Yerusalem, dá ki Uzia in noposindog in ḷangkeang kon Bonawang Sikunea, kon Bonawang in Ḷopá bo kon kinoboyukan in dinding.

TAWARIKH 2 27:5

Sia in nomarang bo nonaḷow kon i datu in Amon takin tontaranea, bo nomakisa kon in intau in Amon moguboḻi kon iba. Pomuḷoi in taong, toḷu notaong noyodudui in koonggotnea mosia in mustibí mopoguboḻi in 3.400 nokilo in saḷaka, doyowa norupa in gandum, tumongoribu noton.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

ULANGAN 2:19

Dá moiko in nodapot kon diug in butá intau in Amon, buí i Lot. Dika monuyayow ande monubu kon i monia, sin diábí topiḻikmai in butá inta ain inogoi-Ku kon i monia in ogoi-Ku kon inimu.’ ” (

SAMUEL 1 11:1

Noiduduimai kon tua ki Nahas, datu in Amon, nopotabádon in tontaranea bo nongopung kon kotá in Yabesh kon butá in Gilead. Intau mita in Yabesh noguman nanaa kon i Nahas, “Pomiadon kon dodandian takin nami, dá kami in tumungkudon kon inimu.”