TAWARIKH 2 26:7 - Alkitab Singog In Mongondow Masa In Tanaa

⁷ Ki Allah in notuḷung kon inia nonaḷow kon intau in Pilistin, bo intau in Arab inta nogutun kon Gur-Baal bo intau in Meunim.

TAWARIKH 2 26:7 ပူးပေါင်းရင်းမြစ်များ

TAWARIKH 1 12:18

Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.

TAWARIKH 1 4:41

Kon dodai in ki Hizkia datu in Yohuda, buí i Simeon tatua in minayá nonubu kon Gedor. Mosia in nomoguyaat kon ḷoḷaigan mita in intau mita inta nogutun kon tua bo in intau mita in Meunim, bo nopoguntun kon intau inta nogutun kon tua. Onda intua mosia in nogutundon notantú kon tua sin nobayong in popokaanan in bobiagon monia.

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.

TAWARIKH 2 14:10

Dá iḷumuaidon in ki Asa nonayow kon i Zerah, bo taya dua in tumpaḷadon nonompia kon pipidannea-pipidannea kon Ḷopá in Zepata kon diug in Maresa.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 17:11

Sia in notarima kon nobayong in saḷaka nongkon intau in Pilistin bo tombuinag mita ibanea, bo nongkon intau in Arab sia in notarima kon 7.700 in domba bo 7.700 in bembé.

TAWARIKH 2 20:1

Noiduduimai kon tua tontara in Moab bo Amon, noyotakin in yobayat monia inta tontara in Meunim, nonubu kon Yohuda.

TAWARIKH 2 21:16

Kon dodai intua oyúon in intau in Pilistin bo intau in Arab inta nogutun kon diug in pogogutunan in intau in Sudan kon diug in pintad. Ki Tuhan in nopogonú kon gina in intau mita tatua sin monubu kon i Yehoram.

TAWARIKH 2 25:8

Táe aka ki Tuang momaké doman kon i monia, ki Allah in mopomayábí mako kon i Tuang taḷowon in musung umpakabí tontara i Tuang moropot bo mobarani. Sin tongábí ki Allah in kokawasa mobogoi in kauntungan andeka kotungkudan.”

MAZMUR 18:29

Iko in nopoyongkit in togáku; ki Tuhan Allahku in nonimbayag kon sindip in kinobiaganku.

YESAYA 14:29

Ei bangusa in Pilistin, popangkuḷ inta pinaké momongkug kon inimu ain noputoḷ. Táe dikabí mopia-pia in ginamu, sin aka uḷag tobatú matoi, yo uḷag inta moraat totok in mamangoibí momaḷui kon inia, bo natu in uḷag momotow kon naga inta kokoḻikip.

OUMAN IN RASUL MITA 26:22

Táe tantúpabí sinotabi i Allah in akuoi dá notaaupabí sinimindog kon naa in tanaa mako bo mongonguman kon bayongan inta ain kinorasaanku kon bayongan intau – moḷoben andeka mointok. Onu in inoumanku naa in diábí noyoposi in onu inta ain muna pinoguman in nabi mita bo i Musa;