TAWARIKH 2 26:23 - Alkitab Singog In Mongondow Masa In Tanaa

²³ Kon dodai in minatoi, ki Uzia in iḷobong kon butá kon diug in poḷoḷobongan kon datu mita, táe deemanbí kon poḷoḷobongan tatua, sin sia in pinanyaki kuḻit inta mokoondok. Ki Yotam ki adínea ḷoḷaki in nobaḻí datu nomaḷui kon inia.

TAWARIKH 2 26:23 ပူးပေါင်းရင်းမြစ်များ

TAWARIKH 2 21:20

Diábí tobatúmai in nomanasaḷ in kinopatoiannea. Iḷobong in sia kon Kotá i Daud, táe deemanbí kon bonu in poḷoḷobongan in datu mita. Kon dodai in nobaḻí datu ki Yehoram in umur toḷu nopuḷú bodoyowá notaong, bo nomarenta in sia kon Yerusalem waḷu notaong in koonggotnea.

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

TAWARIKH 2 27:1

Ki Yotam in nobaḻí datu kon dodai in umur doyowa nopuḷú bo ḻima notaong, bo sia in nomarenta kon Yerusalem mopuḷú bo onom notaong in koonggotnea. Ki inánea in ki Yerusa ki adí i Zadok.

TAWARIKH 2 28:27

Ki Ahas in minatoi; bo iḷobong kon Yerusalem, táe deemanbí kon poḷoḷobongan in datu mita. Ki Hizkia ki adínea ḷoḷaki in nobaḻí datu nomaḷui kon inia.

TAWARIKH 2 33:20

Ki Manasye in minatoi bo iḷobong kon komaḻig. Ki Amon ki adínea ḷoḷaki in nobaḻí datu nonoḻiu kon inia.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.