TAWARIKH 2 26:22 - Alkitab Singog In Mongondow Masa In Tanaa

²² Ouman ibanea kon pinomarentaan i Datu Uzia, pinaisdon i Nabi Yesaya ki adí i Amos.

TAWARIKH 2 26:22 ပူးပေါင်းရင်းမြစ်များ

DATU MITA 2 19:2

Onda intua nopotabá in sia kon i Elyakim, tongguḷu in komaḻig, ki Sebna momomais in negara, bo imang mita inta nogogoguyangdon, sin mokipodungkuḷ kon i Nabi Yesaya ki adí i Amos. Mosia in nogisosapi doman.

TAWARIKH 2 12:15

Ouman soaḷ ki Rehabeam nongkon pinomangkoian nodapot in kinopaḷutannea bo pinomuíannea in pinais kon bonu in buk Ouman i Nabi Semaya bo kon bonu in buk Ouman i Nabi Ido. Kon sigad i Rehabeam bo i Yerobeam umuranbí mobaḻí in parang.

TAWARIKH 2 25:26

Pinangkoi kon ki Amazia nonaḷámai kon i Tuhan, intau in noyopopogdon noḷawang kon inia kon Yerusalem. Tuamai, noḷagui in sia kon kotá in Lakhis, táe musungnea mita nogaḷow kon inia kon tua bo noḻimod kon inia. Mayatnea in pinopodatog kon kabaḷo dinia minayá in Yerusalem, bo iḷobong kon poḷoḷobongan kon datu mita kon Kotá i Daud. Ouman ibanea kon i Datu Amazia nongkon pinomangkoianmai nodapot in imbuit in pinomarentaannea in pinais kon bonu in buk Ouman in Datu mita in Yohuda bo Israel.

TAWARIKH 2 26:23

Kon dodai in minatoi, ki Uzia in iḷobong kon butá kon diug in poḷoḷobongan kon datu mita, táe deemanbí kon poḷoḷobongan tatua, sin sia in pinanyaki kuḻit inta mokoondok. Ki Yotam ki adínea ḷoḷaki in nobaḻí datu nomaḷui kon inia.

TAWARIKH 2 32:32

Ouman ibanea kon i Datu Hizkia, bo tabinea kon i Tuhan in pinais kon bonu in buk Wahyu nongkon i Allah kon i Nabi Yesaya ki adí i Amos, bo kon bonu in buk Ouman in Datu mita in Yohuda bo Israel.

TAWARIKH 2 9:29

Ouman ibanea kon i Salomo nongkon pinomangkoian nodapot in imbuitnea in pinaisdon kon bonu in buk Ouman kinobiagan i Nabi Natan bo kon bonu in buk Pinopotaauan muna i Nabi Ahia intau in Silo, bo kon bonu in buk Wahyu i Nabi Ido, inta nomais doman kon ouman pinomarentaan i Yerobeam datu in Israel.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 6:1

Kon taong kinopatoian i Datu Uzia, akuoi nokoontong kon i Tuhan. Sia in iḻimitú kon tudu in tampat pomomarentaan-Nea inta moḷantud bo momulia. Jubah-Nea noikoḷob kon bayongan Baḷoi Tuhan.