TAWARIKH 2 26:20 - Alkitab Singog In Mongondow Masa In Tanaa

²⁰ Ki Azarya bo imang mita ibanea inimindoi kon inia takin noitaḻikokog totok, bo nondodakdon kon inia sinbá monaḷámaidon in sia kon Baḷoi Tuhan. Iḻimikat in sia iḻumuai sin ki Tuhan in nohukumdon kon inia.

TAWARIKH 2 26:20 ပူးပေါင်းရင်းမြစ်များ

TAWARIKH 2 26:19

Kon dodai intua ki Uzia simindog mako kon diug in mezbah in dupa kon Baḷoi Tuhan kokada-kadai in pakakat pototubá kon dupa. Sinumorú in sia kon imang mita tatua, bo daḻídon nomuká in takit kuḻit inta mokoondok kon pogotnea.

TAWARIKH 2 26:21

Nodapot in ki Datu Uzia minatoi takitnea tatua in diábí nopia-pia. Pinopoutundon in sia kon baḷoi tobatú bo diádon inogoi tumuot kon Baḷoi Tuhan. Iḷuatandon in sia nongkon oaidannea mita, bo ki Yotam ki adínea ḷoḷaki in nomarenta kon rayat nobaḻí oḻitnea.

EZRA 7:5

Ki Abisua Ki Pinehas Ki Eleazar Ki Imang Moḷoben ki Harun

ESTER 6:12

Nopaḷut mako kon tua ki Mordekhai nobui kon bonawang in komaḻig. Táe ki Haman in iḻimikat nobui. Doí in sia indoian in intau sin nooyá totok in sia, dá inoḻingoianneadon in pogotnea.

IMAMAT 13:10

Aka podudui in hasil pinonaridian i imang bo kon kuḻit intau tatua oyúon in bobagá inta nonomata bo poyuntung kon kuḻitnea tatua nobaḻídon nobudó,

IMAMAT 14:34

in atorang mita soaḷ baḷoi inta kinodakitan in ponopadan inta ḷumekep. Atorang mita tanaa pinaké naonda in bangusa Israel sinumuot kon Kanaan, butá inta inogoi i Tuhan kon i monia.

ULANGAN 28:22

Ki Tuhan in mohukum kon i monimu pongin takit mita inta dumodakit, bobagá mita bo patú. Sia in mopoangoi doman in patú inta mokoingkag kon butá bo tompot inta mokopokak dá bungai in boyómu mogoguyaat. Bodito mita tatua in tantú moiuma kon i monimu modapot in moiko moyopú.

ULANGAN 28:35

Ki Tuhan in mopomukádon in kekeb mita inta monakit bo inta diádon mopia; nongkon sioḷ modapot in uḷu monimu mopuḻingdon in bituḷ mita.