TAWARIKH 2 26:11 - Alkitab Singog In Mongondow Masa In Tanaa

¹¹ Ki Uzia in kotontara mobayong inta umuran mosadia moparang. Mosia in kon bonu in pinonobatúan inta kobayong monia in pinais in momomais doyowa i datu inta ki Yeiel bo ki Maaseya kon bonu in tongganut i Hananya, tobatú in bobantung i datu.

TAWARIKH 2 26:11 ပူးပေါင်းရင်းမြစ်များ

DATU MITA 2 5:2

Kon singgai tobatú intau in Siria nonubu kon butá in Israel. Kon pinonubuan tatua adí bobay tobatú in intau in Israel dinomok bo dinia nobaḻí intau inta dinakop kon parang, onda intua binaḻí bobantung i buḷoi Naaman.

TAWARIKH 2 26:10

Sia in noposindog doman in ḷangkeang mita inta dininding kon butá inta kon padang gurun, bo nongaḻi kon nobayong in parigí sin nobayong totok in bobiagonnea, pinomayá kon buḷud andeka kon ḷopá kon dotá in toyopan. Popisí in sia moibog moindoi kon ponononggobá, dá nopotabá in sia nokiaid kon nobayong in intau sinbá monoimbotú kon gobá mita in anggur kon buḷud, bo mononggobá kon butá mita inta mopia.

TAWARIKH 2 26:12

Bayongan in tontara mita tatua in 307.500 in tontara inta kon bonu in tongganut in 2.600 in porwira. Mosia komintan motaau totok moparang bo mobantung kon i datu monaḷow kon musung.