TAWARIKH 2 25:3 - Alkitab Singog In Mongondow Masa In Tanaa

³ Naonda in nobaḻídon noropot in ḷoḻitúannea, ihukumnea minatoi in pogawai mita inta noḻimod kon i amánea.

TAWARIKH 2 25:3 ပူးပေါင်းရင်းမြစ်များ

TAWARIKH 2 21:4

Kon dodai in ki Yehoram nokotaaumai kon ḷoḻitúannea in noropotdon, dá pinoki ḻimodneadon in bayongan ki utatnea, bo tongonumai in intau moḷoben ibanea.

TAWARIKH 2 25:4

Táe ki adí mita in pogawai mita tatua in diábí iḻimodnea sin sia in dinumuduibí kon parenta i Tuhan kon bonu in Buk i Musa inta noguman, “Dika mohukum matoi kon guyanga popisí in aid moraat inta inaidan in adí mita monia, bo dika mohukum matoi kon adí mita popisí in aid moraat inta inaidan in guyanga monia. Batúan intau in tongábí motaau hukumon matoi popisí in aidnea tontaní inta moraat.”

TAWARIKH 2 33:25

Táe rayat in Yohuda noḻimod kon intau mita inta noḻimod kon i Datu Amon tatua, bo noduí kon i Yosia ki adínea nobaḻí datu.

IḶUAIAN 21:14

Táe aka intau tatua dinapat in gina butá bo sinumuodbí noḻimod kon intau ibanea, nopaḷut mako kon tua bo noḷagui minayá in mezbah-Ku sinbá mokouḻí kon poniungan, yo intau tatua musti poḷuaion nongkon mezbah tatua bo hukumon matoi.