TAWARIKH 2 25:2 - Alkitab Singog In Mongondow Masa In Tanaa

² Ki Amazia in nogaid kon onu inta nokosanang kon gina i Tuhan, táe diá takin ḻimbatú in gina.

TAWARIKH 2 25:2 ပူးပေါင်းရင်းမြစ်များ

DATU MITA 2 14:4

diábí doman in sia norumbun kon tampat mita pososumbaan kon dewa, dá rayat in umuranbí doman moposumba in kuruban bo motubá kon dupa kon tua.

TAWARIKH 2 24:2

Kon tungkuḷ in ki Imang Yoyada nobiagpa, ki Yoas in nogaid kon onu inta mokosanang kon gina i Tuhan.

TAWARIKH 2 25:14

Naonda in nonaḷow kon tontara in Edom, ki Amazia in nodia nobui kon patong mita in berhala in intau in Edom bo inukatnea kon Yohuda. Bo notubá in sia kon dupa kon patong tatua bo nosumba.

TAWARIKH 2 25:3

Naonda in nobaḻídon noropot in ḷoḻitúannea, ihukumnea minatoi in pogawai mita inta noḻimod kon i amánea.

TAWARIKH 2 26:4

Ná doman ki amánea, ki Uzia in nogaid doman kon inta mokosanang kon gina i Tuhan.

MAZMUR 78:37

Mosia in diábí motoindudui kon i-Nia bo diá kinumadai kon dodandian-Nea.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

OUMAN IN RASUL MITA 8:21

Diá motaau iko in dumudui mogaid takin nami, sin diá motuḻid in ginamu kon i Allah.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”