TAWARIKH 2 24:18 - Alkitab Singog In Mongondow Masa In Tanaa

¹⁸ Dá rayat in diádon noibada kon Baḷoi Tuhan, Allah in mogoguyang monia, táe nosumbadon kon berhala bo patong mita i Dewa Asyera. Dosa monia tatua nokopopisídon kon ki Tuhan sinumorú kon Yohuda bo kon Yerusalem.

TAWARIKH 2 24:18 ပူးပေါင်းရင်းမြစ်များ

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

DATU MITA IMITÁNEA 14:9

Táe iko in nogaidon kon inta moraat noiḻiu kon inta inaidan monia inta nomarenta noiuna kon inimu. Iko in nonaḷámai kon i-Nakó bo nopomuká in torú-Ku sin nomia kon berhala bo patong mita nongkon logam sin sumbáan.

TAWARIKH 2 12:1

Naonda in ḷoḻitúan in Rehabeam saḷaku datu nobaḻídon noropot, sia bo bayongan in rayat in Israel nonaḷámaidon kon hukum i Tuhan,

TAWARIKH 2 12:2

bo diádon mosatia kon in-Nia. Tuamai in ki Tuhan nohukum kon i monia. Kon taong noginḻima kon pinomarentaan i Rehabeam, ki Sisak datu in Mesir nonubu kon Yerusalem

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 21:13

Nodapotbí in ki Tuang nobiag naonda bo datu mita in Israel, bo nokopopisídon kon rayat in Yohuda bo Yerusalem diá mosatia kon i Allah. Ki Tuang in nogaid kon ná inta inaidan i Datu Ahab bo datu mita inta nomaḷui kon inia. Ki Tuang in nodapotbí in noḻimod kon i utat mita i Tuang, bokaka mosiabí in mopia-pia nongkon i Tuang.

TAWARIKH 2 22:4

Ki Ahazia in binaradosa kon i Tuhan naonda bo motoḷuadí i Ahab, sin mosia tua in nobaḻí mononongginanea naonda in ki amánea minatoi. Monononggina mita tatuata inta nokobodito kon inia.

TAWARIKH 2 24:17

Naonda in ki Yoyada minatoi, ki Yoas in dinondouḷugan bo inanutan in itoi mita in Yohuda nodapot in sia diádon nopandungmai kon totundú i Yoyada.

TAWARIKH 2 24:4

Naonda in nomarenta noḻin onggotdon, ki Yoas in nonantúdon kon monompiadon kon Baḷoi Tuhan.

TAWARIKH 2 25:15

Aidnea tatua nokopomuká kon torú i Tuhan. Nopotabá in Sia kon nabi tobatú minayá kon i Amazia. Nabi tatua in noguman, “Nongonu sin ki Tuang in nosumbabí kon dewa in bangusa ibanea inta diábí mokoposaḷamat kon bangusanea tontaní nongkon kawasa i Tuang?”

TAWARIKH 2 28:13

Mosia in noguman, “Dika diaan in intau mita inta dinakop tatua kon naa! Kita in binaradosadon kon i Tuhan, bo dosa mita naton in totuudon moḷoben sin hukumon. Tanaa in moiko mogaid kon tobatú aid inta tongá mokodugang kon taḷá naton.”

TAWARIKH 2 29:8

Bo ki Tuhan kon bonu in torú-Nea nohukum kon intau in Yohuda bo Yerusalem. Bo moiko komintan in nokotaaubí kon aid i Tuhan tatua ain nokotaḻikokog bo mokokoningkim.

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

TAWARIKH 2 34:25

Mosia in nonaḷámaidon kon i-Nakó bo noposumbadon in kuruban kon ilah mita ibanea. Bayongan inta inaidan monia in nokopomukádon kon torú-Ku. Sinumorú in Akuoi kon Yerusalem, bo torú-Ku in diábí motaau onowan.

IḶUAIAN 34:12

Dika momia kon dodandian takin intau mita kon butá inta kobayáan monimu, sin tua in mobaḻídon poyogaḷap inta mokopopisí kon kopatoianmu.

IḶUAIAN 34:13

Dá, dikadon mogaid kon natua, táe tokoumpagdon in mezbah mita monia, rimumudon in tugu mita karamat monia bo toko pupuḷdon in oigi mita i Asyera, berhala monia.

YEREMIA 17:2

Intaumu mita in moibada kon mezbah mita bo kon oigi mita in berhala inta ain pinosindog kon i Dewi Asyera kon pomuḷoi in pangkoi in kayu inta mobambar, kon tudu mita in tombuḷudnea,

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.