TAWARIKH 2 24:16 - Alkitab Singog In Mongondow Masa In Tanaa

¹⁶ Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

TAWARIKH 2 24:16 ပူးပေါင်းရင်းမြစ်များ

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA 2 12:7

Tuamai nogoiní in ki Yoas kon i Imang Yoyada takin imang mita ibanea, bo noguman, “Nongonu sin diápabí doman in moiko nonompia kon Baḷoi Tuhan? Pinangkoi kon singgai in naa diádon motaau in moiko mokadai kon doit inta sinarima monimu. Mustidon ogoi monimu komintan intua sin pakéon ponompia kon Baḷoi Tuhan.”

TAWARIKH 2 21:2

Ki Yehoram ki adí i Yosapat datu in Yohuda, in kogutat kon ḷoḷaki onom: ki Azarya, ki Yehiel, ki Zakharia, ki Azariahu, ki Mikhail bo ki Sepaca.

TAWARIKH 2 21:20

Diábí tobatúmai in nomanasaḷ in kinopatoiannea. Iḷobong in sia kon Kotá i Daud, táe deemanbí kon bonu in poḷoḷobongan in datu mita. Kon dodai in nobaḻí datu ki Yehoram in umur toḷu nopuḷú bodoyowá notaong, bo nomarenta in sia kon Yerusalem waḷu notaong in koonggotnea.

TAWARIKH 2 24:15

Ki Yoyada in noumur in kinobiagannea bo minatoi kon dodai in umur mogatut bo toḷu nopuḷú notaong.

TAWARIKH 2 24:17

Naonda in ki Yoyada minatoi, ki Yoas in dinondouḷugan bo inanutan in itoi mita in Yohuda nodapot in sia diádon nopandungmai kon totundú i Yoyada.

TAWARIKH 2 31:20

Kon sinangkub in Yohuda, ki Datu Hizkia nopobayá in koadilan, nogaid kon onu inta motuḻid, bo mokosanang kon gina i Tuhan Allahnea.

NEHEMIA 13:14

Oo Allahku, toropdon in bayongan inta ain pinomiaku kon Baḷoi-Mu bo pogundoiannea.

MARKUS 6:29

Naonda in dinongog in murí mita i Yohanes in soaḷ tatua, binayá ginamá monia in awak i Yohanes bo iḷobong.

OUMAN IN RASUL MITA 2:29

Utatku mita, bá singogonkudon kotarangon kon i monimu in soaḷ ki Daud, ki mogoguyang naton. Sia ain minatoi bo iḷobongdon doman; pinoḷobongan kon inia in umuranpa oyúon kon sigad naton dapot in masa in tanaa.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.