TAWARIKH 2 24:14 - Alkitab Singog In Mongondow Masa In Tanaa

¹⁴ Naonda in oaidan tatua nopaḷut, buḷawan bo saḷaka inta ḻiunea kon tua in inogoi kon i datu bo kon i Yoyada. Bo buḷawan bo saḷaka tatua pinaké pinogaid kon pakakat mita in Baḷoi Tuhan, kon sigadnea: pakakat mita inta pakéon kon upacara ibada, pakéon kon kuruban payongon, pindan mita inta potuduan kon dupa, bo palo mita. Kon bonu in nobiagpa in ki Imang Yoyada, kuruban payongon tantúbí pinosumba kon Baḷoi Tuhan.

TAWARIKH 2 24:14 ပူးပေါင်းရင်းမြစ်များ

DATU MITA 2 25:12

Táe tongosilai in rayat inta totok in mobogá bo inta diá kokapunyaan in sinaḷáannea kon Yohuda bo pinoki ḷukadannea in gobá in anggur bo gobá mita in tudunea.

DATU MITA 2 25:15

Pakakat mita buḷawan bo saḷaka, noitakin doman in palo mita mongointok bo pindan mita inta potuduanmai kon baga in ginamá i Nebuzaradan tontaní.

TAWARIKH 1 23:31

bo muḷoi doman mako aka oyúon in kuruban angagon kon i Tuhan kon singgai in Sabat, kon Poramean Buḷan Mobagu, bo kon poramean mita ibanea. Soaḷ kobayong in intau in Lewi inta musti mogaid kon oaidan muḷoi mako, ain doman inaidan in atorangnea. Modapot in mononoi intau in Lewi musti mopobayá in oaidan tatua.

TAWARIKH 2 2:3

Ki Salomo in nokidia in habar tanaa kon i Hiram datu in Tirus, “Poigumonku sinbá ki Tuang momia kon dodandian in totaḷuian takinku naonda bo kon i Daud ki amáku. Ki Tuang ain nopotaḷui kon inia in ḷokuyú in Libanon sin poposindogan in komaḻignea.

TAWARIKH 2 24:13

Dá nomangkoidon in mogogimok mita tatua nonompia kon Baḷoi Tuhan tatua. Mosia komintan in nogaid natua dá imbuitnea baḷoi tatua noroton bo nopiradon ná muna.

TAWARIKH 2 24:15

Ki Yoyada in noumur in kinobiagannea bo minatoi kon dodai in umur mogatut bo toḷu nopuḷú notaong.

TAWARIKH 2 31:2

Ki Datu Hizkia in nonantúdon bui kon paanan mita in imang mita bo intau in Lewi podudui in tonsilai in oaidan monia. Oaidan mita tatua in soaḷ mita inta noiduduimai naa: moposumba in kuruban payongon bo kuruban dodamean, mopobayá in upacara ibada kon Baḷoi Tuhan, bo modayow poḷat mopoyaput in sukur kon i Tuhan kon bayongan tampat kon bonu in Baḷoi Tuhan.

IḶUAIAN 36:5

nopotaau kon i Musa, “Touḷut mita inta pinosalehe in intau mita tatua aindon noiḻiu kon onu inta toko pakéon kon oaidan inta pinoki aid i Tuhan.”

AMSAL 27:22

Umpaka bouton koropoton in intau bodok, yo diábí doman moinggamá in kobobodoknea.