TAWARIKH 2 24:12 - Alkitab Singog In Mongondow Masa In Tanaa

¹² Onda intua ki datu bo ki Yoyada nobogoi in doit tatua kon intau mita inta nobaḻí tongguḷu kon ponompiaan kon Baḷoi Tuhan tatua. Bo intau mita tatua nonondan kon intau mita inta mogogaid kon pondasi, mogogimok kon kayu bo inta momia kon logam sin mogaid kon oaidan tatua.

TAWARIKH 2 24:12 ပူးပေါင်းရင်းမြစ်များ

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

DATU MITA IMITÁNEA 5:15

Ki Salomo in nopotabá domandon in 80.000 in intau sin mongurig kon batu nongkon buḷud bo 70.000 in intau mogakut kon batu mita tatua.

TAWARIKH 2 24:11

Pomuḷoi in singgai kas tatua diaan in intau mita in Lewi kon pogawai i datu sin pirikisaan. Aka kas tatua bo mopuḻingdon momomais in negara bo toḻindua in Imang Moḷoben mopoḷuai in doit bo kas tatua in pobuiondon kon tampat inta pototaguanmai. Natua in inaidan monia muḷoi in singgai, bo nobayong totok in doit in nosipun magí.

TAWARIKH 2 24:13

Dá nomangkoidon in mogogimok mita tatua nonompia kon Baḷoi Tuhan tatua. Mosia komintan in nogaid natua dá imbuitnea baḷoi tatua noroton bo nopiradon ná muna.

TAWARIKH 2 24:27

Ouman in soaḷ ki adí mita i Yoas bo soaḷ toḻindap mita inta diá mopia soaḷ sia, bo naonda in sia nonompia kon Baḷoi Tuhan, tua komintan in pinaisdon kon bonu in buk Pinoginsilangan kon Buk in Datu mita. Ki Amazia, ki adí ḷoḷaki i Yoas, nobaḻí datu nonoḻiu kon i amánea.

TAWARIKH 2 34:8

Kon taong impuḷú bo waḷu kon pinomarentaan i Yosia, naonda in sia noḷumbú kon pinosumbaan kon berhala nongkon Baḷoi Tuhan bo kon bayongan in butá, sia in nopotabá in intau toḷu sin monompia kon Baḷoi Tuhan Allah. Intau toḷu tua in ki Sapan ki adí i Azalya, ki Maaseya gubernur in Yerusalem, bo ki Yoah ki adí i Yoahas, pogawai moḷantud tobatú.