TAWARIKH 2 23:7 - Alkitab Singog In Mongondow Masa In Tanaa

⁷ Intau mita in Lewi mustibí simindog kon ḻibumai in datu kokada-kadai in pitow bo moḷukad kon inia kon ondaka in bayáannea. Ki ine in moḷongasi tumuot kon Baḷoi Tuhan, musti ḻimodon.”

TAWARIKH 2 23:7 ပူးပေါင်းရင်းမြစ်များ

TAWARIKH 2 23:6

Diábí tobatúmai in motaau tumuot kon Baḷoi Tuhan koḻikudbí in imang mita bo intau mita in Lewi inta koyogot in mopobayá in oaidan. Mosia in motaau tumuot sin mosia in sinondídon kon mogaid kon oaidan i Tuhan. Intau mita ibanea in mustibí motoindudui kon atorang i Tuhan bo mogutun kon ḷuai.

TAWARIKH 2 23:8

Parenta i Yoyada tatua inaidan in intau mita in Lewi bo rayat in Yohuda. Intau mita inta noiḷuatdon kon oaidan kon singgai in Sabat diápa inogoi nobui. Dá bayongan in porwira motaau mopotabá in intau pinomayá inta noiḷuat kon oaidan andeka inta mosia inta bagupa sinumuot sin mopobayá in oaidan monia.

IḶUAIAN 21:14

Táe aka intau tatua dinapat in gina butá bo sinumuodbí noḻimod kon intau ibanea, nopaḷut mako kon tua bo noḷagui minayá in mezbah-Ku sinbá mokouḻí kon poniungan, yo intau tatua musti poḷuaion nongkon mezbah tatua bo hukumon matoi.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

PINOGIAPAN 3:38

Kon bonu in pinononḷoḷaigan, ki Musa bo ki Harun takin ki adínea mita musti mogamá kon tampat kon tayowon in Ḷoḷaigan i Tuhan, kon dotá in pomukaan. Mosia in kitogi totaau kon poibadaan in bangusa Israel kon Yuang Motusi. Kon ḻikud in mosia, ki ineka in monungkuḷ mogaid kon oaidan tatua musti hukumon dapot in matoi.