TAWARIKH 2 22:5 - Alkitab Singog In Mongondow Masa In Tanaa

⁵ Podudui in tonggina monia, sia in dinumugang kon i Yoram datu in Israel sinbá moparang moḷawang kon i Hazael datu in Siria. Mosia in noparang kon Ramot, butá in Gilead. Ki Yoram in pinaḻían kon pinoparangan tatua,

TAWARIKH 2 22:5 ပူးပေါင်းရင်းမြစ်များ

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

DATU MITA 2 3:1

Kon taong noginpuḷú bo waḷu kon pinomarentaan i Yosapat datu in Yohuda, ki Yoram ki adí i Ahab in nobaḻí datu in Israel bo nomarenta kon Samaria mopuḷú bodoyowá notaong in koonggotnea.

DATU MITA 2 8:9

Ki Hazael in nogamá kon unta 40 bo dinatogannea in noyagi-yagimai in onu inta kon kotá in Damsyik, bodongka minayá kon i Elisa. Naonda in noiyaputmai kon tampat i Elisa, ki Hazael in noguman, “Bobantungmu ki datu Benhadad, in nopotabá mangoi kon inakó sin moḻibó mongo mopiapa andeka diá in sia.”

DATU MITA 2 9:1

Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

TAWARIKH 2 18:3

Sia in noḻibó, “Moibog degá in iko mayá moyotakinku monubu kon Ramot?” Ki Yosapat in notubag, “Mopia, tontaraku in dumugangdon kon tontaramu. Moparang moyotakin in kita.

TAWARIKH 2 18:31

Dá naonda in mosia nokoontong kon i Datu Yosapat, kai monia kamai dá siabí tua in datu in Israel. Tuamai in sinubu monia in sia. Táe ki Yosapat in nomaḷú, bo sinuḷungan i Tuhan Allah in sia, bo nomurowdon kon pinonubuan tatua kon tampat ibanea.

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 22:6

bo nobui in sia kon kotá in Yizreel sin undaman, bo ki Ahazia in minayá noḷongow kon inia kon tua.

MAZMUR 1:1

Pia in kamang in intau inta diá dinumudui kon tonggina in intau inta moraat, diá dinumayan kon intau binaradosa bo diá noyobayat in intau inta mopoompámai kon i Allah,

DANIEL 5:22

Táe ki adínea ḷoḷaki, inta ki Tuangku tontaní, in doí tumonsiup, umpaka kinotaauandon i Tuangku in tua komintan.

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”