TAWARIKH 2 22:4 - Alkitab Singog In Mongondow Masa In Tanaa

⁴ Ki Ahazia in binaradosa kon i Tuhan naonda bo motoḷuadí i Ahab, sin mosia tua in nobaḻí mononongginanea naonda in ki amánea minatoi. Monononggina mita tatuata inta nokobodito kon inia.

TAWARIKH 2 22:4 ပူးပေါင်းရင်းမြစ်များ

AMSAL 1:10

Aka intau binaradosa monongganut kon inimu, adíku, dikabí duduianmu in tongganut monia.

AMSAL 12:5

Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

AMSAL 13:20

Intau inta moyobayat takin in intau mobijaksana, in mobaḻíbí mobijaksana; intau inta moyobayat in intau bodok, in moboditobí.

AMSAL 19:27

Adíku, aka iko doídon mobalajar bui, yo koḻionganmudon onu inta ain binalajarmu.

DANIEL 3:2

Onda intua ki datu nogoiní kon bayongan in datu in wilayah, gubernur, bupati, monononggina in negara, mokokadai kon doit, hakim, intau inta monotaau totok in hukum, bo bayongan tongguḷu in daerah sin mamangoi kon upacara pomaḷutan kon patong inta ain pinosindognea tatua.

DANIEL 3:24

Daḻídon noitaḻikokog in ki Datu Nebukadnezar. Baḷú in sia sinimindog bo nomaḷú kon pogawainea mita, “Totuubí degá kon kita in koina in notokig kon intau toḷu bo nopogambat kon i monia kon bonu in tuḷú tatua?” Mosia in notubag, “Totuubí, Tuangku.”

MIKHA 6:16

Tua komintan in mobaḻí popisí in moiko dinumudui kon aid moraat i Datu Omri bo i adínea, tuata in ki Datu Ahab. Moiko in dinumudui kon oaid monia. Tuamai in rimumudon-Ku in moiko, bo moiko in poempengon bo singkuḻeon in bayongan in bangusa.”