TAWARIKH 2 22:2 - Alkitab Singog In Mongondow Masa In Tanaa

^2-3 Ki Ahazia in nobaḻí datu kon dodai in umur doyowa nopuḷú bo doyowa notaong, bo sia in nomarenta kon Yerusalem totaong in koonggotnea. Ki Ahazia in nobiag doman naonda bo motoḷuadí i Datu Ahab, sin ki Atalya ki inánea in nononggina kon inia sinbá mogaid kon inta moraat. Ki Atalya in ki adí bobay i Datu Ahab, ki ompu i Omri datu in Israel.

TAWARIKH 2 22:2 ပူးပေါင်းရင်းမြစ်များ

DATU MITA IMITÁNEA 16:28

Naonda in ki Omri minatoi bo iḷobong kon Samaria, ki Ahab ki adínea in nobaḻí datu nonoḻiu kon inia.

DATU MITA 2 8:18

Sia in notonibuḷoi takin i adí i Ahab, bo ná inta pinomia in motoḷuadí i Ahab, sia in binaradosa doman kon i Tuhan ná datu mita in Israel.

DATU MITA 2 8:26

Kon dodai intua ki Ahazia umur doyowa nopuḷú bodoyowá notaong, bo nomarenta in sia kon Yerusalem totaong in koonggotnea. Ki inánea in ki Atalya, ki adí i Datu Ahab, ki Ompu i Omri inta datu in Israel.

TAWARIKH 2 21:6

Sia in dinumudui kon kobobiag i Datu Ahab bo datu mita in Israel ibanea, sin sia in notonibuḷoi in adí bobay tobatú i Ahab. Binaradosa in sia kon i Tuhan,

TAWARIKH 2 22:1

Kon pinonubuan tobatú in topaanan in intau in Arab, komintan ki adí ḷoḷaki i Yehoram kinoḻimodan, koḻikudbí in ki Ahazia. Tuamai in intau in Yerusalem noduí kon i Ahazia nobaḻí datu nonoḻiu kon i amánea.