TAWARIKH 2 22:11 - Alkitab Singog In Mongondow Masa In Tanaa

¹¹ Ki Ahazia in kogutat kon bobay tobatú tangoinea in ki Yoseba inta notonibuḷoi takin in imang tobatú inta ki Yoyada in tangoinea. Takin inumuni-uni mako in ki Yoseba nogamá kon adí ḷoḷaki tobatú i Ahazia inta ki Yoas in tangoinea nongkon sigad in adí mita i datu inta pinoki ḻimod i Atalya. Adí tatua takin moḷoḷukadnea in binuninea kon gopot tobatú kon Baḷoi Tuhan. Tuata in inaidan i Yoseba sin moposaḷamat kon adí tatua dá diá iḻimod i Atalya.

TAWARIKH 2 22:11 ပူးပေါင်းရင်းမြစ်များ

DATU MITA IMITÁNEA 15:4

Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

DATU MITA 2 11:2

Ki Yoas adí i Ahazia in gogió bo kinoḻimodan doman pinoyotakin in adí mita ḷoḷaki ibanea i datu, táe nokoḷagui in sia sin pinoḷagui i Yoseba pokuináanea. Ki Yoas takin moḷoḷukadnea in dinia bo binuni kon bonu in gopot tobatú kon Baḷoi Tuhan.

TAWARIKH 2 21:7

táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 22:10

Kon tungkuḷ in kinotaauandon i Atalya kon ki Datu Ahazia ki adínea in minatoidon, nomarenta in sia sinbá bayongan in motoḷuadí i datu kon Yohuda in ḻimodon.

TAWARIKH 2 22:12

Onom notaong koonggotnea in pinobunian kon i Yoas kon Baḷoi Tuhan, bo ki Atalya in nomarenta nobaḻí datu.

TAWARIKH 2 23:1

Kon taong impitunea ki Imang Yoyada in nonantúdon kon oyúon in aidannea. Noyosingogdon in sia takin in porwira taya ḻima, ki Azarya ki adí i Yeroham, ki Ismael ki adí Yohanan, ki Azarya ki adí i Obed, ki Maaseya ki adí i Adaya, bo ki Elisapat ki adí i Zikhri.

MAZMUR 33:10

Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

IḶUAIAN 8:3

Ongkag in Nil in mopuḻingbí in tumpaḷak, dapot in mahaḷuk mita tatua ḷumuai nongkon tubig bo tumuot kon bonu in komaḻigmu, kon bonu in gopot potosiuganmu, kon bonu in baḷoi mita intau moḷoben bo rayat, modapot kon pototubáan kon roti bo pansi mita.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 65:8

Ki Tuhan in moguman, “Bungai in anggur inta oyúonpa in tubignea in diábí ḷumbúon, táe baḻíondon tubig in anggur. Natua doman in bangusa-Ku diábí yopúon-Ku komintan, sin kon sigad monia oyúonpa inta mogundoi kon i-nakó.

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.