TAWARIKH 2 21:7 - Alkitab Singog In Mongondow Masa In Tanaa

⁷ táe ki Tuhan in doíbí momutú kon datu inta nongkon buí i Daud sin Sia in nodandidon kon buí i Daud in umuranbí momarenta.

TAWARIKH 2 21:7 ပူးပေါင်းရင်းမြစ်များ

SAMUEL 2 21:17

Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

DATU MITA IMITÁNEA 11:13

Táe diábí modait-Ku gamáan in bayongan dodatuan tatua nongkon inia. Popisí in mogogundoi-Ku ki Daud bo Yerusalem inta ain binaḻí-Ku kotá-Ku tatua, tonggagatan-Kupabí in suku tobatú inta ogoi kon i adímu ḷoḷaki.”

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

DATU MITA IMITÁNEA 15:4

Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

DATU MITA 2 8:19

Táe ki Tuhan in doíbí moyopú kon Yohuda sin nongibotdon in Sia kon i Daud mogogundoi-Nea, kon buínea in umuranbí mobaḻí datu.

DATU MITA 2 8:24

Minatoi in sia bo iḷobong kon poḷoḷobongan kon datu mita kon Kotá i Daud. Ki Ahazia ki adínea in nobaḻí datu nomaḷui kon inia.

TAWARIKH 2 22:11

Ki Ahazia in kogutat kon bobay tobatú tangoinea in ki Yoseba inta notonibuḷoi takin in imang tobatú inta ki Yoyada in tangoinea. Takin inumuni-uni mako in ki Yoseba nogamá kon adí ḷoḷaki tobatú i Ahazia inta ki Yoas in tangoinea nongkon sigad in adí mita i datu inta pinoki ḻimod i Atalya. Adí tatua takin moḷoḷukadnea in binuninea kon gopot tobatú kon Baḷoi Tuhan. Tuata in inaidan i Yoseba sin moposaḷamat kon adí tatua dá diá iḻimod i Atalya.

TAWARIKH 2 23:3

Mosia in noyosipun kon Baḷoi Tuhan, bo nogaid kon dodandian takin i Yoas, ki adí ḷoḷaki i datu tua. Ki Yoyada in noguman kon i monia, “Naadon in ki adí i Datu Ahazia inta ain minatoi! Tanaaya mustibí in sia moponik kon ḷoḻitúan in datu, sin ki Tuhan in nodandidon kon buí i Datu Daud in umuranbí momarenta.

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 89:39

Táe tanaa in Iko tumorú kon i datu, Iko in noḷumbú bo nondoí kon intau inta piniḻí-Mu.

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”