TAWARIKH 2 21:3 - Alkitab Singog In Mongondow Masa In Tanaa

³ Mosia in nokouḻí kon nobayong in buḷawan, saḷaka bo pakakat mita ibanea nongkon i amá monia, bo kon batúannea inogoian doman in kotá tobatú inta dinding kon Yohuda. Táe popisí in ki Yehoram adí ḷoḷaki inta guya-guyang, dá siadon in sinantú i Yosapat nobaḻí datu.

TAWARIKH 2 21:3 ပူးပေါင်းရင်းမြစ်များ

KINOBAḺIAN 25:6

táe kon dodai in sia nobiagpa nobarongbí doman in tombuinag inogoinea kon i adínea mita inta nongkon i buḷoinea ibanea. Onda intua pinotabáneadon in ki adínea mita tatua nomamping kon butá inta kon dotá in pomukaan kon Kanaan, sinbá yumayú kon i Ishak ki adínea.

TAWARIKH 2 11:23

Nomaké in kabijaksanaan ki Rehabeam nobogoi in oaidan mita kon i adínea mita ḷoḷaki bo pinoki bayáannea in kotá mita inta dininding kon bayongan butá in Yohuda bo Benyamin. Inogoiannea in mosia in kaanon inta mobayong totok, bo inogoian doman in buḷoi mobayong kon i monia.

TAWARIKH 2 11:5

Ki Rehabeam nogutun kon Yerusalem bo nopotabá kon intau nodinding mita in kotá mita inta kon butá in Yohuda bo Benyamin, tuata:

YEHEZKIEL 46:16

Ki Tuhan Inta Totok in moḷantud nomarenta, kai-Nia, “Aka mongongawasa inta nomarenta mobogoi in tongosilai nongkon butá budelnea kon i adínea ḷoḷaki tobatú, yo butá tatua in mobaḻíbí ki adínea in kitogi bo nobaḻí kapunyaan in motoḷuadí.