TAWARIKH 2 21:2 - Alkitab Singog In Mongondow Masa In Tanaa

² Ki Yehoram ki adí i Yosapat datu in Yohuda, in kogutat kon ḷoḷaki onom: ki Azarya, ki Yehiel, ki Zakharia, ki Azariahu, ki Mikhail bo ki Sepaca.

TAWARIKH 2 21:2 ပူးပေါင်းရင်းမြစ်များ

TAWARIKH 2 12:6

Datu bo itoi mita in nongaku kon mosia in binaradosadon. Mosia in noguman, “Onu inta pinomia i Tuhan tua in moadilbí.”

TAWARIKH 2 21:4

Kon dodai in ki Yehoram nokotaaumai kon ḷoḻitúannea in noropotdon, dá pinoki ḻimodneadon in bayongan ki utatnea, bo tongonumai in intau moḷoben ibanea.

TAWARIKH 2 23:2

Minayá in mosia in kotá in Yohuda, bo nosipun kon intau mita in Lewi bo bayongan in tongguḷu in inanakan, bo nodia kon i monia minayá in Yerusalem.

TAWARIKH 2 24:16

Iḷobong in sia kon poḷoḷobongan kon datu mita kon Kotá i Daud sin mohoromat kon onu mita inta ain inaidannea kon i Allah, kon Baḷoi Tuhan bo kon umat in Israel.

TAWARIKH 2 24:5

Imang mita bo intau in Lewi pinarentaannea mayá mokipodungkuḷ kon intau mita inta nogutun kon kotá mita in Yohuda bo nosipun kon doit nongkon bayongan in rayat sin ponompia kon Baḷoi Tuhan muḷoi in taong. Pinotabánea in mosia sinbá ḷagi monompia kon tua, táe intau mita in Lewi ḷumaḷoibí.

TAWARIKH 2 28:19

Popisí in ki Ahas datu in Yohuda nonaḷámai kon i Tuhan bo diá nomarenta kon rayatnea ná inta musti aidannea, dá ki Tuhan in nopoangoidon in roriga kon Yohuda.

TAWARIKH 2 28:23

Sia in nopoboditodon in awaknea bo rayatnea sin noposumbadon in kuruban kon dewa mita in intau in Siria inta ain nonaḷow kon inia. Pinikirnea, “Dewa mita in Siria ain notuḷung kon datu mita in Siria, dá aka akuoi in moposumba in kuruban kon i monia, dá tuḷunganneabí doman degá in akuoi.”

TAWARIKH 2 28:27

Ki Ahas in minatoi; bo iḷobong kon Yerusalem, táe deemanbí kon poḷoḷobongan in datu mita. Ki Hizkia ki adínea ḷoḷaki in nobaḻí datu nomaḷui kon inia.

TAWARIKH 2 33:18

Ouman ibanea kon i Manasye, bo sambayangnea kon i Allah, bo koyow mita i Allah inta pinoyaput kon inia in nabi mita pinodoyon kon tangoi Tuhan, Allah in Israel, komintandon pinais kon bonu in buk Ouman in datu mita in Israel.

TAWARIKH 2 35:18

Paska ná tatua in diá bidon kon dodai in onda pinorameanpa bui nongkon tungkuḷ i Nabi Samuel. Diábí tobatúmai nongkon datu mita inta noiuna in nokoimontandon norame kon Paska ná inta inaidan