TAWARIKH 2 21:10 - Alkitab Singog In Mongondow Masa In Tanaa

¹⁰ Nongkon tuadon Edom diádon sinumungkud kon Yohuda. Kon tungkuḷ doman tua kotá in Libna in nomarontak domandon. Tua mita in nobaḻí sin ki Yehoram in nonaḷámaidon kon i Tuhan, Allah inta sinumba in mogoguyangnea.

TAWARIKH 2 21:10 ပူးပေါင်းရင်းမြစ်များ

DATU MITA IMITÁNEA 11:31

Onda intua nogumandon in sia kon i Yerobeam, “Gamádon in mopuḷú nopongkó kon inimu, sin ki Tuhan, Allah in Israel, noguman kon inimu nanaa, ‘Akuoi in mogamádon kon dodatuan tanaa nongkon i Salomo, bo mobogoi in mopuḷú nosuku kon inimu.

DATU MITA IMITÁNEA 11:33

Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.

DATU MITA 2 19:8

Porwira in Asyur tatua in nokouḻídon kon habar kon datunea in nonaḷámaidon kon Lakhis bo koyogot in moparang monayow kon kotá in Libna, diá noyayú kon tua. Dá minayádon in porwira tatua kon tua sin mokipodungkuḷ kon i datunea tatua.

TAWARIKH 2 13:10

Kami in umuranbí nogundoi kon i Tuhan Allah nami bo diábí nonaḷámai kon i-Nia. Imang mita nami in umuranbí nongkon buí i Harun, bo intau mita in Lewi umuranbí mobantung kon i monia.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

TAWARIKH 2 21:8

Kon pinomarentaan i Yehoram, Edom in nomarontak kon Yohuda bo nomia kon dodatuan tontaní.

TAWARIKH 2 21:9

Tuamai in ki Yehoram bo takin itoi in tontaranea mita iḻumuai takin kereta mita in parangnea bo nonubu kon Edom. Kinopung in sia in tontara mita in Edom, táe nodoḷom monag mosia in dinumumpak kon kopungan in musung bo noḷagui.

YESAYA 1:28

Táe intau mita binaradosa inta nomarontak kon i-Nia in yopúon-Neabí, bo bayongan inta nonaḷámai kon i-Nia in yompatonbí.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

YOSUA 10:29

Nopaḷut mako kon tua, ki Yosua takin tontaranea minayá turus nongkon Makeda nopobayá ná Libna bo poḷat nonubu kon Libna.

HAKIM MITA 10:13

Umpaka natua, yo moiko in umuranpabí doman nonoḻikudmai kon i-Nakó, bo minayá nosumba kon dewa mita. Yo naa in doí bidon in Akuoi mopoḷuat kon i monimu.