TAWARIKH 2 20:7 - Alkitab Singog In Mongondow Masa In Tanaa

⁷ Ikobí in ki Allah nami. Kon tungkuḷ in umat-Mu, bangusa in Israel, namangoi kon butá tanaa, Iko nopoguntun kon intau mita inta kon dodai intua nogutun kon naa. Bo Iko in nobogoi kon butá tanaa kon buí i Abraham, yobayat-Mu, sin mobaḻí butá kapunyaan monia modapot in mononoi.

TAWARIKH 2 20:7 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 20:8

Mosia in nogutundon kon naa bo noposindogdon in baḷoi tobatú tampat posumbaan kon ini-Mu. Kinotaauan monia

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 80:8

O Allah Inta Totok in mokawasa, tompiadon bui in kami; bobuidon in kami takin pia in gina, sinbá mosaḷamat in kami.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 33:2

Potabá-Kudon mangoi in malaekat tobatú sin modia kon i monimu. Untunon-Kubí in bangusa Kanaan, Amori, Het, Peris, Hewi bo Yebus.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YOHANES 11:11

Natua in pinoguman i Yesus. Noiduduimai kon tua noguman bui in Sia, “Ki utat naton ki Lazarus aindon nosiug, táe bayáan-Kubí bangonon in sia.”

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

ULANGAN 4:38

Bangusa mita inta moḷobe-ḷoben bo moropo-ropot pinoguntun-Nea nongkon tayowonmu, sin mogatod kon i monimu mayá in butá monia inta inogoi-Nea kon inimu, butá inta masai naa nobaḻídon kapunyaanmu.

YAKOBUS 2:23

Tua noyokaan in tontagá kon Buk Motusi inta noguman nanaa: “Ki Abraham in nopirisaya kon i Allah, bo lantaran pirisayanea tatua dá sinarima i Allah in sia saḷaku intau inta nogaid kon onu in kinoibog i Allah.” Tuamai ki Abraham in sinangoi, “Yobayat i Allah”.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

YOSUA 23:9

Bangusa mita inta moḷoben bo moropot aindon pinoguntun i Tuhan sin kopiaan monimu; diábí tobatúmai in nongkon i monia in mokotahang monayow kon i monimu.

YOSUA 24:13

Butá inta inogoi-Ku kon inimu, sinarima monimu intua takin diá irorigaanmai. Bo kotá mita inta inogoi-Ku kon inimu deemanbí moiko in noposindog intua. Táe tanaa moikodon in nogutun kon tua, bo moiko domandon in notarima kon bungai in anggur takin bungai in zaitunnea, bokaka deemanbí moiko in nopomuḷa.’ ”

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,