TAWARIKH 2 20:4 - Alkitab Singog In Mongondow Masa In Tanaa

⁴ Nongkon batúan in kotá kon Yohuda intau mayá in Yerusalem sin mopoigum in totuḷung i Tuhan.

TAWARIKH 2 20:4 ပူးပေါင်းရင်းမြစ်များ

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

TAWARIKH 2 19:5

Kon batúan in kotá inta oyúon in poḷoḷukadan kon Yohuda noduí in sia kon hakim mita,

TAWARIKH 2 20:5

Mosia takin in intau inta nogutun kon Yerusalem noyosipun kon bosimai inta mobagu kon Baḷoi Tuhan. Ki Datu Yosapat in sinimindog kon tayowon monia,

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

EZRA 8:21

Bo kon bingkí in Ongkag in Ahawa tatua akuoi nopotaau kon mosia komintan in mustibí mopuasa bo tumonsiup kon tayowon i Allah. Kami in nosambayang sinbá ki Allah in nokapit kon inami kon binayáan tatua, bo mogoḻiung kon inami, kon i adí mita nami bo bayongan in kapunyaan nami.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

YOËL 1:14

Parentaaidon in umatmu mopuasa, Potaaudon in poyodungkuḷan moḷoben! Oinídon in itoi mita bo guhanga mita in ḻipú bo bayongan in intau inta nogutun kon Yohuda, sinbá mamangoi kon Baḷoi i Allah, sin mokuani mokituḷung kon i-Nia.

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

ZEPANYA 2:1

Ei bangusa inta diá kooyá, kosadardon