TAWARIKH 2 20:30 - Alkitab Singog In Mongondow Masa In Tanaa

³⁰ Tuamai in ki Yosapat nomarenta takin pia, bo ki Tuhan in nobogoi kon inia in kaadaan dame kon bayongan in butá.

TAWARIKH 2 20:30 ပူးပေါင်းရင်းမြစ်များ

SAMUEL 2 7:1

Ki Tuhan in noḷukad kon i Datu Daud nongkon bayongan in tuyayow in musung, dá sia in motaaudon umuran motantú kon bonu in komaḻignea.

TAWARIKH 2 15:15

Bayongan in rayat Yohuda noḷunganga in gina sin mosia in nomiadon kon ibot tatua takin ḻimbatú in gina. Mosanang in gina monia in noibada kon i Tuhan, bo ki Tuhan in noibog doman notarima kon i monia. Inogoi-Nea kon i monia in kaadaan inta moonow kon butá monia.

AYUB 11:19

Iko in diá bidon moondok kon musung; mobayong in intau in mopoigum in totuḷung kon inimu.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 76:8

Totuubí kon motoyang in Iko! Aka tumorú in Iko, ki ine in mokoigon?

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 3:24

Iko in mayá mosiug takin diá moondo-ondok, bo moḷoḷotbí in iko kinoouput in doḷom.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.