TAWARIKH 2 20:11 - Alkitab Singog In Mongondow Masa In Tanaa

¹¹ Tanaa, nanaabí in aid in bangusa mita tatua kon inami. Moibogbí in mosia mopoguntun kon inami nongkon butá inta inogoi-Mu kon inami.

TAWARIKH 2 20:11 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 44:4

Diápa in mosia noyayú nongkon kotá tatua, ki Yusup nogumandon kon bobantungnea koina, “Ḷagidon batuk in intau mita tatua. Aka kobatukandon, pogumandon kon i monia, ‘Nongonu sin aid mopia tuḻíanbí monimu in moraat?

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

AMSAL 17:13

Ki ine in mopotuḻí in moraat kon inta mopia, yo aid moraat tatua in diábí doman kopoḷuaian nongkon baḷoinea.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

AMOS 1:11

Ki Tuhan in noguman, “Intau in Edom ain nopobui-buimai binaradosa, tuamai in notantú bidon kon hukumon-Ku in mosia. Diá bidon in tabi monia in nonubu kon intau mita in Israel, ki utat mita monia. Mosia in umuran tumorú bo umuran motagú kon gina.

ULANGAN 4:38

Bangusa mita inta moḷobe-ḷoben bo moropo-ropot pinoguntun-Nea nongkon tayowonmu, sin mogatod kon i monimu mayá in butá monia inta inogoi-Nea kon inimu, butá inta masai naa nobaḻídon kapunyaanmu.

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.