TAWARIKH 2 20:1 - Alkitab Singog In Mongondow Masa In Tanaa

¹ Noiduduimai kon tua tontara in Moab bo Amon, noyotakin in yobayat monia inta tontara in Meunim, nonubu kon Yohuda.

TAWARIKH 2 20:1 ပူးပေါင်းရင်းမြစ်များ

TAWARIKH 1 4:41

Kon dodai in ki Hizkia datu in Yohuda, buí i Simeon tatua in minayá nonubu kon Gedor. Mosia in nomoguyaat kon ḷoḷaigan mita in intau mita inta nogutun kon tua bo in intau mita in Meunim, bo nopoguntun kon intau inta nogutun kon tua. Onda intua mosia in nogutundon notantú kon tua sin nobayong in popokaanan in bobiagon monia.

TAWARIKH 2 14:8

Tontara i Datu Asa in 300.000 in intau in Yohuda inta nomaké in kaḻeaw bo pandong, bo 280.000 in intau in Benyamin inta nomaké in kaḻeaw bo piot. Mosia in komintanbí tontara mita inta mongobarani bo nobiasadon noparang.

TAWARIKH 2 19:11

Ki Imang Moḷoben ki Amarya inogoianku in kawasa moḷantud kon bayongan in pelekara soaḷ hukum mita in agama. Ki Zebaja ki adí i Ismael, inta ki gubernur in Yohuda, inogoianku in kawasa moḷantud kon bayongan in pelekara ibanea. Intau mita in Lewi in kitogi totaau moḷukad sinbá kaputusan mita in pongadilan in aidan. Duduiai in topotundú mita tanaa bo aidai intua totu-totuu. Igumon mako ki Tuhan kotaki-takin in intau inta moadil!”

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 19:5

Kon batúan in kotá inta oyúon in poḷoḷukadan kon Yohuda noduí in sia kon hakim mita,

TAWARIKH 2 20:10

Tanaaya bangusa in Amon, Moab bo Edom monubu kon inami. Kon tungkuḷ in mogoguyang nami namangoi nongkon Mesir, diábí inogoi-Mu in mosia in mogutun kon butá in bangusa mita tatua. Dá mogoguyang nami nogamá kon daḷan iḻimibu bo diábí nomoguyaat kon bangusa in Amon, Moab bo Edom tatua.

TAWARIKH 2 26:7

Ki Allah in notuḷung kon inia nonaḷow kon intau in Pilistin, bo intau in Arab inta nogutun kon Gur-Baal bo intau in Meunim.

TAWARIKH 2 32:1

Naonda in ki Datu Hizkia nogaid kon soaḷ mita inta noponiata kon kotoinduduinea kon i Tuhan, ki Sanherib datu in Asyur nonubu kon Yohuda. Nongopung in sia kon kotá mita inta dininding bo nomarenta kon tontaranea sinbá mogagow.

YESAYA 16:6

Bangusa in Yohuda in moguman, “Kami in nokodongogdon kon naonda in koḷoḷatú in bangusa in Moab. Kinotaauan nami kon mosia in mododia bo moḷoḷatú. Singog monia in tongábí ambungangaḷ inta diá in bonunea.”

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 49:1

Naa inta pinoguman i Tuhan soaḷ Amon, “Nongonu sin butá in suku Gad in inagowbí bo iḻitúan in intau mita inta nosumba kon i Dewa Milkom? Eta degá diádon in intau in Israel inta mokoḷukad kon butá tatua?

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.