TAWARIKH 2 2:6 - Alkitab Singog In Mongondow Masa In Tanaa

⁶ Táe sabanarnea in diábí tobatúmai in intau in mokotongod in moposindog in baḷoi kon i Allah, sin bayongan in toḷungayá naa in diá tugat in ḷobennea pobaḷoian sin pogutunan-Nea. Dá Baḷoi Tuhan inta koposindoganku naa in diá bo diá in tongábí tampat pototubáan kon dupa kon i Allah!

TAWARIKH 2 2:6 ပူးပေါင်းရင်းမြစ်များ

SAMUEL 2 7:18

Bo sinumuotdon in ki Datu Daud kon bonu in ḷoḷaigan i Tuhan. Iḻimitú in sia bo nosambayang, “O Tuhan Inta Totok in Moḷantud, akuoi takin motoḷuadíku in diábí patus motarima kon kopiaan inta pinoontong-Mu kon inakó naa in kino oonggot.

DATU MITA IMITÁNEA 7:13

Kon kotá in Tirus oyúon in ḷoḷaki tobatú ki Huram in tangoinea. Sia in monotaau totu-totuu kon oaidan bo kopongalamandon totok momia kon bayongan yagi-yagi nongkon bitú. Boḻeket ki amánea in intau in Tirus bo motaau doman totok momia kon pakakat mita nongkon bitú. Ki inánea in nongkon suku in Naptali. Ki Datu Salomo in nopotabádon in intau minayá nokigamá kon i Huram sin mamangoi bo mobaḻí tongguḷu momia kon bayongan in pakakat inta nongkon bitú. Dá namangoidon in ki Huram bo nomia kon onu inta pinoki aid i Salomo.

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 1 22:15

Nobayongbí in mogogaidmu mita. Oyúon in motaau mogaid kon pongongaḻian kon batu, oyúon doman in mogogimok kon kayu, bas in batu bo nobayongpa doman totok in intau inta mongopandoi mogaid kon oaidan

TAWARIKH 1 29:14

Akuoi bo rayatku tanaa in diábí mokopobogoi kon onu bo onu kon ini-Mu, sin bayongan in yagi-yagi tua Ikobí in nobogoi bo onu inta inogoi nami naa in Ikobí doman in kitogi.

TAWARIKH 2 1:10

Manangka intua ogoiaidon kaasí in akuoi naa in kabijaksanaan bo pongotahuan inta paraḷuonku kon modia kon i monia. Sin aka diá natua, yo diábí in akuoi mokotongod in momarenta kon umat-Mu inta mobarong totok naa?”

TAWARIKH 2 6:18

Táe, o Allah totuu moibog degá in Iko in mogutun kon dunia naa kon sigad in intau, umpakabí modait in ḷangit yo diábí tugatan kon ini-Mu, apa doman baḷoi ibada inta pinosindogku tanaa!

IḶUAIAN 3:11

Táe ki Musa in noguman kon i Allah, “Ki inebí in akuoi naa, dapot in mokosanggup mayá tumayow kon i datu bo modia kon intau Israel ḷumuai nongkon Mesir?”

IḶUAIAN 31:5

sin mogatá mokopoḷamag kon batu permata inta sinoinut notompia; sin mongurig kon kayu bo kon bayongan yagi-yagi oaidan.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:14

táe tongábí kon tampat inta piniḻí i Tuhan kon butá in sukumu tobatú. Tongábí kon tua in musti poposumbaan monimu in kuruban payongon bo mogaid kon oaidan mita ibanea inta pinarentaku kon inimu.

ULANGAN 12:26

Bayongan kuruban bo sosumba inta ain pinodandi monimu kon i Tuhan, musti diaan monimu kon tampat inta ain piniḻí i Tuhan.