TAWARIKH 2 2:4 - Alkitab Singog In Mongondow Masa In Tanaa

⁴ Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.

TAWARIKH 2 2:4 ပူးပေါင်းရင်းမြစ်များ

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

DATU MITA IMITÁNEA 8:18

Táe ki Tuhan in noguman kon inia, ‘Mopiabí in makusudmu tatua.

DATU MITA IMITÁNEA 8:63

Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan.

TAWARIKH 1 22:5

Bayongan intua inaidan i Daud sin sia in norai nanaa: “Musti in akuoi moposadia in bayongan onu inta pakéon pogaid kon Baḷoi Tuhan. Sin ki Salomo ki adíku ḷoḷaki in nobagupa bo diápa kopongalaman, bo Baḷoi Tuhan inta posindogonnea in mustibí mogaga totok bo ponango-nangoian kon sinangkub in dunia naa.” Dá kon dodai in ki Daud diápa minatoi, nobarongdon totok in sinadianea in pakakat mita pogaid kon baḷoi tatua.

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

TAWARIKH 2 2:1

Ki Datu Salomo ain nonantú kon moposindog in Baḷoi Tuhan, bo komaḻignea.

NEHEMIA 10:33

Kami in moposadiabí in bayongan kaparaḷuan pakéon kon ibada kon Baḷoi Tuhan, tuata: roti oḷudon, sosumba in gandum muḷoi in singgai, biag inta pakéon kuruban payongon muḷoi in singgai, sosumba motusi ibanea, kuruban mita pongampung kon dosa mita in Israel, bo bayongan inta paraḷuon pakéon kon Baḷoi Tuhan.

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

MAZMUR 96:4

Sin Moḷobenbí in ki Tuhan, bo totokbí in dinayow, mustibí koondok moiḻiu kon bayongan in dewa.

IḶUAIAN 25:30

Meja tatua in musti poukat kon tayowon in Poti Dodandian, bo kon tudu in meja tatua musti umuran oyúon in roti sosumba.”

IḶUAIAN 30:7

Pomuḷoi in doḷo-doḷom kon dodai in ki Harun mamangoi sin moposadia in togá, musti in sia motubá kon dupa mobondu kon tudu in mezbah tatua.

AMSAL 7:20

Sia in nodia kon nobayong in doit, bo diápabí mobui in doyowa nodiminggu naa.”