TAWARIKH 2 2:3 - Alkitab Singog In Mongondow Masa In Tanaa

³ Ki Salomo in nokidia in habar tanaa kon i Hiram datu in Tirus, “Poigumonku sinbá ki Tuang momia kon dodandian in totaḷuian takinku naonda bo kon i Daud ki amáku. Ki Tuang ain nopotaḷui kon inia in ḷokuyú in Libanon sin poposindogan in komaḻignea.

TAWARIKH 2 2:3 ပူးပေါင်းရင်းမြစ်များ

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

TAWARIKH 1 14:1

Ki Datu Hiram nongkon butá in Tirus nopotabá in intaunea mita namangoi kon i Daud, poḷat doman nokidia in kayu ḷokuyú in Libanon bo mogogimok mita kon kayu takin bas mita in batu sin moposindog in komaḻig.

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

TAWARIKH 2 24:14

Naonda in oaidan tatua nopaḷut, buḷawan bo saḷaka inta ḻiunea kon tua in inogoi kon i datu bo kon i Yoyada. Bo buḷawan bo saḷaka tatua pinaké pinogaid kon pakakat mita in Baḷoi Tuhan, kon sigadnea: pakakat mita inta pakéon kon upacara ibada, pakéon kon kuruban payongon, pindan mita inta potuduan kon dupa, bo palo mita. Kon bonu in nobiagpa in ki Imang Yoyada, kuruban payongon tantúbí pinosumba kon Baḷoi Tuhan.

TAWARIKH 2 4:19

Ki Datu Salomo in nokiaid doman in pakakat mita ibanea nongkon buḷawan taakan sin pakéon kon Baḷoi Tuhan. Tanaa in pakakat mita inta pinomianea tua: Mezbah Meja pototuduan kon roti oḷudon Bayongan in sioḷ totuduan in togá bo togánea nongkon buḷawan inta nogurang sin poyongkiton kon tayowon in Yuang Totok in Motusi, podudui in tomayá Ḷambá mita inta pinomia ná bungang Togá mita Totupit mita Pakakat ponondarit kon togá Palo mita Pindan mita pototuduan kon dupa Pindan mita pototuduan kon baga Bayongan in ngara tumuot kon Baḷoi Tuhan bo ngara in Yuang Totok in Motusi inaipan in buḷawan.

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

EZRA 6:3

“Kon taong imitánea kon pinomarentaan i Datu Kores, sia in nopoḷuai in parenta sinbá Baḷoi Tuhan kon Yerusalem posindogondon bui mobaḻí tampat in intau modia kon sosumba bo motubá kon kuruban. Koḷantud in Baḷoi tatua in mustibí 27 nometer bo kooḷadnea in musti doman 27 nometer.

NEHEMIA 10:34

Kami, rayat, imang mita bo intau mita in Lewi, in mopogonik in undi muḷoi in taong sin monantú kon inanakan táonda in musti moposadia kon kayu pondungú kon kuruban mita sosumba kon i Tuhan Allah nami, podudui in atorang in hukum.

IḶUAIAN 25:30

Meja tatua in musti poukat kon tayowon in Poti Dodandian, bo kon tudu in meja tatua musti umuran oyúon in roti sosumba.”

IḶUAIAN 29:38

“Pomuḷoi in singgai iko musti umuran mopokuruban kon tudu in mezbah tatua domba doyowa inta umur totaong.

IḶUAIAN 29:39

Tobatú in posumba doḷo-doḷom, bo tobatú in posumba ḷoḷabungnea.

IḶUAIAN 29:41

Ki adí in domba inta posumba ḷoḷabungnea in musti pokuruban potongkaion ná inta doḷo-doḷom, takinan doman in topong, ḷana zaitun bo tubig in anggur. Rongingi in kuruban sinubá tatua mokosanang kon gina-Ku.

IḶUAIAN 30:7

Pomuḷoi in doḷo-doḷom kon dodai in ki Harun mamangoi sin moposadia in togá, musti in sia motubá kon dupa mobondu kon tudu in mezbah tatua.

IMAMAT 23:2

in atorang mita kon singgai moḷoben in agama, inta musti potaau mobaḻí singgai moḷoben poibadaan.

IMAMAT 9:17

Nopaḷut mako pinosumbaneadon in kuruban oḷudon; ginamánea in topong toyangkom, bo sinubánea kon tudu in mezbah. Tua in nobaḻíbí indugang kon kuruban tubáan muḷoi in singgai.

PINOGIAPAN 28:11

Kon singgai imitánea muḷoi in buḷan musti posumba kon i Tuhan in kuruban payongon ná sapi koḷakian doyowa inta batánea, domba koḷakian tobatú, bo pitu in adí in domba koḷakian inta umur totaong, inta diá nobogit.

PINOGIAPAN 28:9

Kon singgai in Sabat musti mopokuruban in adí in domba koḷakian doyowa inta umur totaong inta diá nobogit, bo topong doyowa nokilo poyobauion in ḷana zaitun sin baḻíon kuruban oḷudon bo pokuruban doman in tubig in anggur.