TAWARIKH 2 19:7 - Alkitab Singog In Mongondow Masa In Tanaa

⁷ Moiko in mustibí motoguondok kon i Tuhan, bo mokopopia in mopobayá, sin ki Tuhan Allah naton in doíbí kon intau mita inta diá moadil, inta mobogat kon toḷosi andeka inta motarima kon bogoi pomompon kon bibig.”

TAWARIKH 2 19:7 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

KINOBAḺIAN 42:18

Kon singgai intoḷunea ki Yusup in noguman kon i monia, “Akuoi naa in intau inta moondok bo motoindudui kon i Allah. Moiko in poḷuaionku takin tobatú sarat.

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

NEHEMIA 5:15

Gubernur mita inta noiuna kon inakó in nokodugangdon kon roriga in rayat sin mosia in monuntut kon opat nopuḷú in doit saḷaka in tosinggai sin pakéon kon pongaanan bo anggur. Moidapot doman in pogawai mita monia in mondorot kon rayat. Táe akuoi in doíbí mogaid kon natua sin moondok in akuoi kon i Allah.

AYUB 13:10

Aka moiko in dumotá, umpaka tongá umuni-uni, moiko in hukumonbí i Allah takin roriga.

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.

MAZMUR 82:2

“Dika bidon monisig takin tombogá, bo dika dumotá kon intau moraat.

IḶUAIAN 23:8

Dika motarima kon doit inta poguboḻi monia sinbá mountung in sia kon pelekara, sin doit tatua in mokopopisí kon mata intau mosindipdon moindoi kon onu in totuu bo mokorugidon kon intau mita inta diá kotaḷá.

YESAYA 33:15

Moiko in mokotahangbí aka moiko in mosingog bo mogaid kon inta totuu. Dika motayak kon untung pongin momakisa mogamá kon intau bogá, bo dika motarima kon doit tondan in pelekara. Dika dumudui kon intau inta monomayá kon poḻimodan andeka aid moraat ibanea.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

MATIUS 22:16

Mosia nopotabá kon dumodudui mita monia noyotakin in intau mita i Herodes sin moḻibó kon i Yesus nanaa, “Pak Guru, kinotaauan nami ki Pak Guru intau inta motuḻid in gina bo takin gina motuḻid doman ki Pak Guru moguman kon daḷan i Allah, bo diá doman ki Pak Guru moondok kon i ine kabí sin diábí poyoposion i Guru in intau.

OUMAN IN RASUL MITA 10:34

Bo ki Petrus in noguman, “Bain naa bo kinotaauanku kon naanta pinoyotongkaibí i Allah in bayongan intau.

SURAT I PAULUS KON JAMAAT RUM 2:11

Sin diábí poyoposion i Allah in bayongan intau.

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!

GALATIA 2:6

Bo soaḷ mosia inta inanggap in intau mita mongoponting – tua in diábí mobaḻí soaḷ kon inakó, sin aka kon inakó yo diábí in yoposi intau, intau moḷoben ande intau moyangkó, sin ki Allah in diábí momiḻí kon intau.

EPESUS 6:9

Bo moiko utat mita inta nobaḻí tuang! Mokopopiabí kon gina kon i atamu mita. Donaaibí tantú mopogogondok kon i monia. Sinbá kotaauan monimu, kon iko bo ki atamu mita tua in tongábí tobatú in Tuang monimu, Sia tuata in ki Tuhan inta kon soroga. Sia in diábí mopoyoposi kon intau.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

SAMUEL 1 11:7

Takin sinumorú totok nogamá in sia kon sapi doyowa bo iratánea poḷat pinogko-pongkónea kino bayong. Onda intua pongkóan mita tatua pinoki dianea kon bayongan butá in Israel takin parenta nanaa, “Ki ine in doí mayá moparang dumudui kon i Saul bo kon i Samuel, yo sapinea mita in pongko-pongkóon doman nanaa!” Bangusa Israel noondok kon onu in pomiaan i Tuhan moiduduimai, dá bayongan in intau, diábí in sinaḻiban, moibogdon mayá moparang moyotakin.