TAWARIKH 2 19:6 - Alkitab Singog In Mongondow Masa In Tanaa

⁶ bo nobogoi in parenta tanaa kon i monia, “Pokobijaksana, sin moiko in mohakim deemanbí pinodoyon kon tangoi in intau, táe pinodoyonbí kon tangoi Tuhan. Inindoian-Neabí in moiko kon dodai in monantú kon pelekara.

TAWARIKH 2 19:6 ပူးပေါင်းရင်းမြစ်များ

TAWARIKH 1 28:10

Toropdon kopira kon ki Tuhan in nomiḻídon kon inimu sin moposindog in baḷoi inta ain sinantú kon i-Nia. Dá tanaa in aidaidon intua takin ibog moḷoben.”

MOHOHUTUBA 5:8

Modapot in kobiagan i datu noitogotbí kon bungai in boyó.

IMAMAT 19:15

Moiko musti motuḻid aka monantú kon taḷá; dika momihak kon intau bogá aka taḷánea bo dika moondok kon intau mita inta nooyúon.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

OUMAN IN RASUL MITA 22:26

Nokodongogmai kon tatua, tontara tatua in minayá kon i itoinea bo noḻibó nanaa, “Onuon i tuang intau tanaa? Sia tua intaubí in Rum!”

OUMAN IN RASUL MITA 5:35

Onda in pinoḷuaidon monia in rasul mita tatua, nosingogdon in sia kon tayowon in sidang tatua, “Ei intau mita in Israel, porai kopira in moporupa-rupamai kon rasul mita tatua.

ULANGAN 1:17

Aka monantú yo dika mobogat kon toḷosi; musti potongkaion in monantú kon taḷá kon batúan in intau. Dika moondok kon i ineka, sin onu inta sinantú monimu tua in namangoibí nongkon i Allah. Aka pelekara tobatú bo mobogatmu totok tantúon, yo diádon mangoi kon inakó, bain akuoi in monantú kon tua.

YOSUA 22:5

Bo ḷukadai sinbá moiko in umuran dumudui kon hukum inta pinarenta i Musa kon inimu, inta: Kotabi in ki Tuhan Allahmu, duduiaidon in koibog-Nea, duduiai in parenta-Nea mita, kosatia kon i-Nia bo posumbadon kon i-Nia takin ḻimbatú in ginamu bo takin bayongan in dimukudmu.”