TAWARIKH 2 19:2 - Alkitab Singog In Mongondow Masa In Tanaa

² nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 19:2 ပူးပေါင်းရင်းမြစ်များ

DATU MITA IMITÁNEA 16:1

Dá nosingogdon in ki Tuhan kon i Nabi Yehu ki adí i Hanani, kai-Nia, “Poyaputdon kon i Baesa in koyow-Ku tanaa,

DATU MITA IMITÁNEA 16:12

Podudui kon onu inta pinotaau i Tuhan kon i Baesa inta pinongin i Nabi Yehu, bayongan in motoḷuadí i Baesa iḻimod.

DATU MITA IMITÁNEA 21:25

Diábí kon dodai in onda in intau inta takin ḻimbatú in gina mogaid kon inta moraat kon tayowon i Tuhan ná inta pinomia i Ahab. Bayongan in aid moraat tatua in inaidannea sin umuran tundúdanmai i Izebel ki buḷoinea.

TAWARIKH 2 16:7

Kon tungkuḷ intua ki Nabi Hanani namangoi kon i Datu Asa bo noguman, “Popisí in iko inumandoḷdon kon i datu in Siria, bo deemanbí kon i Tuhan Allahmu, dá noinggamádon in kasampatanmu monaḷow kon tontara i datu in Israel.

TAWARIKH 2 18:1

Naonda in ki Yosapat datu in Yohuda nobaḻí nooyúon bo ponango-nangoiandon, pinopobuḷoinea in intau tobatú agat in motoḷuadínea kon motoḷuadí i Ahab datu in Israel.

TAWARIKH 2 18:28

Onda intua ki Ahab datu in Israel bo ki Yosapat datu in Yohuda minayá nonubu kon kotá in Ramot kon Gilead.

TAWARIKH 2 18:3

Sia in noḻibó, “Moibog degá in iko mayá moyotakinku monubu kon Ramot?” Ki Yosapat in notubag, “Mopia, tontaraku in dumugangdon kon tontaramu. Moparang moyotakin in kita.

TAWARIKH 2 18:7

Ki Ahab in notubag, “Tobatú, ki Mikha ki adí i Yimla. Táe moyaat in ginaku kon inia, sin diábí kon dodai in onda in sia nonoḻindap kon inta mopia kon inakó; umuranbí inta diá mopia.” “Uḻe, dikabí moguman kon natua!” tubag i Yosapat.

TAWARIKH 2 19:1

Naonda in ki Yosapat datu in Yohuda nobui takin pia-pia kon komaḻignea kon Yerusalem,

TAWARIKH 2 19:10

Aka yobayatmu mita nongkon kotá ibanea nodia mangoi kon inimu in pelekara pinoḻimodan, iḻimimpat kon hukum andeka iḻimimpat kon undang-undang, yo moiko in mustibí mobogoi in topotundú kon i monia. Sinbá diá in mosia moitaḷá kon i Tuhan, bo ki Tuhan in diá tumorú kon inimu andeka kon i monia. Aidai in parenta tanaa, dá moiko in diábí moitaḷá.

TAWARIKH 2 20:34

Ouman ibanea kon i Yosapat, nongkon pinomangkoian nodapot in buit in pinomarentaannea in pinais kon bonu in Ouman i Yehu adí i Hanani, inta pinais kon bonu in buk Ouman in datu mita in Israel.

TAWARIKH 2 24:18

Dá rayat in diádon noibada kon Baḷoi Tuhan, Allah in mogoguyang monia, táe nosumbadon kon berhala bo patong mita i Dewa Asyera. Dosa monia tatua nokopopisídon kon ki Tuhan sinumorú kon Yohuda bo kon Yerusalem.

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

MAZMUR 21:8

Ki datu in umuran nongamang kon i Tuhan Inta Totok in moḷantud, sia in umuranbí moaman sin umuran kinotabi i Tuhan.

MAZMUR 68:1

Kon i itoi in mododondong. Mazmur i Daud.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

AMOS 7:14

Ki Amos in notubag, “Akuoi in deemanbí nabi popisí in ḷoḻitúan. Sabanarnea in akuoi naa in mononombobiagonbí bo mososipú kon bungai in ara.

YOHANES 15:18

“Aka dunia naa mosaturu kon i monimu, yo toropdon kon Akuoi in muna bidon kinodoí in dunia.

YOHANES 15:23

Intau inta mosaturu kon i-Nakó, yo mosaturu doman kon i Amá-Ku.

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

SURAT I PAULUS KON JAMAAT RUM 1:30

mosia in moibog doman moporaa-raatmai kon tangoi intau ibanea; mokaḷakuang bo diá koendar, mosakí doman gina monia kon i Allah bo moibog doman totok mongonguman kon inta diá totuu. Mosia in mopandoi doman motayak kon cara mita mobagu kon pogaid kon inta moraat. Mosia moibog moḷawang kon guyanga;

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

SURAT I PAULUS KON JAMAAT RUM 8:7

Sin intau inta raiannea kinawasa ibog in awak, yo intau tatua mosisaturuanbí i Allah; sin intau tatua in doí dumudui kon hukum i Allah; bo totuu kon sia tua in diábí mokomampu dumudui kon hukum i Allah.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

ULANGAN 32:41

Akuoi in mogatábí kon kedang-Ku inta mopouḻi-uḻinag, bo mopobayá in hukuman. Tuḻían-Ku in bayongan musung-Ku bo hukumon-Ku in bayongan inta doí kon i-Nakó.

ULANGAN 33:11

O Tuhan, tuḷungaipa in suku tanaa sinbá moropot, igumon mako Iko in moibog kon oaidan monia. Yopúdon in bayongan musung monia dá diádon mokosindog bui.”

ULANGAN 5:9

Dika mosumba kon patong ná tatua sin Akuoi in ki Tuhan Allahmu bo Akuoi in doíbí potongkaion in onuka. Intau mita inta moyaat in gina kon i-Nakó hukumon-Ku modapot in buí monia mogintoḷu bo moginggopat.

ULANGAN 7:10

Táe diábí in ondo-ondok-Nea mako in mohukum kon i monia inta mondoí kon i-Nia.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

SAMUEL 1 9:9

“Mopia uḻe!” tubag i Saul, “Igai mayá in kita.” Bo minayádon in mosia kon kotá, kon tampat in mogogundoi i Allah tua. Naonda in mosia notakod kon buḷud inta mopobayá ná kotá tatua, noyodungkuḷdon in mosia in tongonumai in mongodeaga inta mayá monangkob kon tubig kon parigí. Bo mosia noḻibó kon mongodeaga mita tatua, “Degá mododoyangow oyúon kon kotá?” (Kon tungkuḷ intua nabi tobatú sinangoi mododoyangow, dá aka oyúon in intau moḻibó kon i Allah, dá sia in moguman nanaa, “Igai in kita mayá kon mododoyangow.”)