TAWARIKH 2 18:9 - Alkitab Singog In Mongondow Masa In Tanaa

⁹ Kon dodai intua ki Ahab bo ki Yosapat, takin nogiḷambung in ḷambung datu, iḻimitú kon kadera in dodatuan kon tampat poḷoḻintogan kon gandum kon muna in bonawang in Samaria, bo nabi mita in namangoi bo nopotaau in toḻindap monia.

TAWARIKH 2 18:9 ပူးပေါင်းရင်းမြစ်များ

TAWARIKH 2 18:10

Tobatú kon sigad in nabi mita tatua, inta tangoinea in ki Zedekia ki adí i Kenaana, nomia kon tungoinea mita uatoi bo noguman kon i Ahab, “Naa inta pinoguman i Tuhan, ‘Pinongin tungoi mita ná tanaa ki Tuang datu in monanut kon Siria bo morimumud kon i monia.’ ”

TAWARIKH 2 18:29

Ki Ahab in noguman kon i Yosapat, “Akuoi in mogiḷambung in ḷambung ibanea bo dumudui moparang, táe iko umuranbí pogiḷambung in ḷambung datu.” Natuata in ki datu Israel kon dodai in minayá noparang.

TAWARIKH 2 18:8

Dá ki Ahab in nogoiní kon pogawai in komaḻig tobatú bo nopotabá kon inia iḻimikat minayá nonontomu kon i Mikha.

YESAYA 14:9

Dunia in intau minatoi moyotakin motomu kon i datu in Babel tatua. Dá noibangondon in dimukud in intau mita inta koḻipod nongawasa kon dunia, bo dimukud in datu mita simindog nongkon tampat pomomarentaan monia.

YEHEZKIEL 26:16

Mokoontong kon ukurmu, datu mita nongkon bangusa mita kon pintad in simindog nongkon pomomarentaan, moḷongkut kon pakeang in datu bo ḷambung monia inta sinomboréan, bo ḻimitú kon butá urot mako. Totokdon in moondok in mosia modapot in diádon moonow.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

MATIUS 11:8

Andeka moiko mayá mongonu? Degá moindoi kon intau inta nogiḷambung mogaga? Intau inta nogiḷambung mogaga tampatnea kon dodatuanbí.

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

MATIUS 6:29

táe poguman-Kudon kon i monimu ki Salomo in nobiag nooyúon totok táe diábí kon dodai onda in nogiḷambung ná kogaga in bungang mita tatua!

RUT 4:1

Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.