TAWARIKH 2 18:34 - Alkitab Singog In Mongondow Masa In Tanaa

³⁴ Táe popisí in parang totokpa in tumagab, ki Datu Ahab umuranpa simindog mako poḷat ginopodan kon bonu in keretanea nonayow kon tontara in Siria. Kon dodai in sinumoyopdon in mata in singgai minatoi in sia.

TAWARIKH 2 18:34 ပူးပေါင်းရင်းမြစ်များ

TAWARIKH 2 18:16

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia in naonda bo domba inta diá kogombala, bo ki Tuhan in noguman kon soaḷ mosia, ‘Intau mita tanaa in diádon koitoi. Pomayádon mako in mosia mobui takin pia-pia.’ ”

TAWARIKH 2 18:19

Ki Tuhan in noguman, ‘Ki ine in modondouḷug kon i Ahab sinbá moibog in sia mayá moparang bo matoi kon Ramot kon Gilead?’ Tubag in malaekat mita tatua in noyo-noyoposi.

TAWARIKH 2 18:27

Guman i Mikha, “Aka ki Tuang datu mobui mangoi takin pia-pia mako, dá mangaḻenea kon tua kon ki Tuhan in diábí nosingog pinongin inakó. Komintan intau kon naa in mobaḻí sakusi.”

TAWARIKH 2 18:33

Noikoḷatbí in tontara in Siria tobatú nopopiot in piotnea takin diábí in pinopotanaan. Táe mata in piot tatua noitugatbí kon i Ahab bo noiḷambai kon ḷambung in parangnea kon inta pinonondoḷan. “Kinotugatan in akuoi” guman i Ahab kon intau inta nodia kon keretanea, “Pomurow bo diádon in akuoi ḷumuai nongkon pinoparangan tanaa!”

TAWARIKH 2 19:1

Naonda in ki Yosapat datu in Yohuda nobui takin pia-pia kon komaḻignea kon Yerusalem,

AMSAL 13:21

Intau binaradosa umuranbí batu-batukon mako in roriga intau mopia umuranbí motarima kon inta mokosanang.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.