TAWARIKH 2 18:22 - Alkitab Singog In Mongondow Masa In Tanaa

²² Noiduduimai kon tua ki Mikha in noguman, “Yo, tuata inta mobaḻí! Ki Tuhan in nopobaḻídon kon nabi mita i Tuang monguboḷ kon i Tuang datu sin ki Tuhan in nonantúdon kon mopouma in bodito kon i Tuang datu!”

TAWARIKH 2 18:22 ပူးပေါင်းရင်းမြစ်များ

TAWARIKH 2 18:17

Bo ki Ahab in noguman kon i Yosapat, “Totuubí uḻe in, gumanku? Diábí kon dodai in onda in sia nonoḻindap kon inta mopia kon inakó! Umuranbí inta diá mopia!”

TAWARIKH 2 18:21

Dimukud tatua in notubag, ‘Mayá in akuoi bo baḻíonku in nabi mita i Ahab in monguboḷ.’ Ki Tuhan in noguman, ‘Mopia, aidaidon intua, mokodondouḷugbí in iko kon inia.’ ”

TAWARIKH 2 18:7

Ki Ahab in notubag, “Tobatú, ki Mikha ki adí i Yimla. Táe moyaat in ginaku kon inia, sin diábí kon dodai in onda in sia nonoḻindap kon inta mopia kon inakó; umuranbí inta diá mopia.” “Uḻe, dikabí moguman kon natua!” tubag i Yosapat.

TAWARIKH 2 25:18

Táe ki Datu Yoas in nokidia in tubag nanaa, “Kon singgai tobatú bo bonganga kon buḷud in Libanon nokidia in tuntutan tanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu bobay kon i adíku sin baḻíon ki buḷoinea.’ Táe noiduduimai kon tua noitaḻibdon kon tua in mahaḷuk in kayuon tobatú bo noritak kon bo bonganga tatua.

AYUB 12:16

Ki Allah tua in moropot, moroton bo ponango-nangoian! Ki inta mongonguboḷ bo ki inta kino uboḷan kon bonubí in kawasa-Nea.

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YEREMIA 18:11

Ki Tuhan in noguman kon inakó, “Tanaa, pogumandon kon intau mita in Yohuda bo intau in Yerusalem kon Akuoi in koyogotdon in momia kon tomayá moḷawang kon i monia, bo moposadia in hukuman kon i monia. Potabádon in mosia monaḷámai kon kobobiag inta binaradosa tatua poḷat monompia kon dodia bo gogutú monia.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.