TAWARIKH 2 18:16 - Alkitab Singog In Mongondow Masa In Tanaa

¹⁶ Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia in naonda bo domba inta diá kogombala, bo ki Tuhan in noguman kon soaḷ mosia, ‘Intau mita tanaa in diádon koitoi. Pomayádon mako in mosia mobui takin pia-pia.’ ”

TAWARIKH 2 18:16 ပူးပေါင်းရင်းမြစ်များ

SAMUEL 2 2:7

Pokoroton in ginamu bo umurandon kobaḻí intau mita inta mongobarani umpaka ki datu monimu ain minatoi, táe intau mita in Yohuda ain noduí kon inakó nobaḻí datu monia.”

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

DATU MITA IMITÁNEA 22:17

Ki Mikha in notubag, “Akuoi in nokoontong kon tontara in Israel noirarit kon buḷud mita. Mosia tua in naondadon bo domba inta diá in gombala, bo ki Tuhan in noguman kon i monia, ‘Intau mita tanaa in diádon ko itoi. Biódon mako mosia in mobui takin mosaḷamat.’ ”

DATU MITA 2 10:3

piḻídon inta totok in mopia kon sigad in adí bo ompu i Ahab tatua bo duídon in sia mobaḻí datu, bo poḷongasidon motuḷung kon inia.”

TAWARIKH 2 18:15

Ki Ahab in notubag, “Aka iko bo mosingog podoyon kon tangoi Tuhan, yo pogumanbí inta totuu. Kotongonu degá in akuoi moguman kon inimu kon soaḷ tatua?”

TAWARIKH 2 18:17

Bo ki Ahab in noguman kon i Yosapat, “Totuubí uḻe in, gumanku? Diábí kon dodai in onda in sia nonoḻindap kon inta mopia kon inakó! Umuranbí inta diá mopia!”

YEHEZKIEL 34:8

Podoyon kon tangoi-Ku, ki Allah inta nobiag, tondudutdon! Domba-Ku mita ain dinomok bo kinaan in mahaḷuk moraat, popisí in diá in noḷukad kon i monia. Moiko in gombala-Ku mita in diábí nopandungmai kon domba mita tatua. Moiko in tongábí morai kon awakmu tontaní, deemanbí kopontingan in dombamu mita.

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

PINOGIAPAN 27:17

intau inta motaau baḻíon itoi kon dodai in mosia moparang. Dikapa pomayá mako in umat-Mu naa naonda bo paanan in domba inta diá in gombala.”

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

MATIUS 9:36

Nokoontongmai kon intau moantó tatua, Sia inangoian totok in tabi kon i monia, sin mosia totokdon in moḷopí bo diádon kodaya, naonda bo domba inta diádon kogombala.

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.