TAWARIKH 2 18:11 - Alkitab Singog In Mongondow Masa In Tanaa

¹¹ Bayongan in nabi ibanea notobatú bo noguman, “Tubudon in Ramot, taḷowonbí i Tuang datu. Pountungonbí i Tuhan i ki Tuang datu.”

TAWARIKH 2 18:11 ပူးပေါင်းရင်းမြစ်များ

TAWARIKH 2 18:10

Tobatú kon sigad in nabi mita tatua, inta tangoinea in ki Zedekia ki adí i Kenaana, nomia kon tungoinea mita uatoi bo noguman kon i Ahab, “Naa inta pinoguman i Tuhan, ‘Pinongin tungoi mita ná tanaa ki Tuang datu in monanut kon Siria bo morimumud kon i monia.’ ”

TAWARIKH 2 18:12

Kon dodai intua totabá inta nonontomu kon i Mikha, noguman kon i Mikha, “Bayongan in nabi inta ibanea in nonoḻindap kon kountungan kon i datu. Igumon mako ki Amá in monoḻindap kon inta mopia ná mosia.”

TAWARIKH 2 18:5

Dá ki Ahab in nosipun kon degá 400 in nabi bodongka noḻibó kon i monia, “Motaau degá in akuoi mayá monubu kon Ramot andeka diá?” “Motaau!” tubag monia. “Posarakanbí i Allah in kotá tatua kon i Tuang datu.”

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.