TAWARIKH 2 17:3 - Alkitab Singog In Mongondow Masa In Tanaa

³ Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

TAWARIKH 2 17:3 ပူးပေါင်းရင်းမြစ်များ

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

SAMUEL 2 5:10

Koonggot-koonggot koropot-koropotdon in ki Daud, sin ki Tuhan, Allah Inta Totok in Mokawasa notuḷung kon inia.

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA IMITÁNEA 11:6

Natuata ki Salomo in nogaidon kon dosa kon i Tuhan. Ki Daud, ki amá i Salomo in dinumudui kon i Tuhan takin ḻimbatú in gina, táe ki Salomo in diábí ná tua.

DATU MITA IMITÁNEA 22:43

Ná doman ki Asa, ki amánea, ki Yosapat in nogaid doman kon inta mopia kon tayowon i Tuhan. Iyompatnea nongkon dodatuan nea in bayongan sundaḷ ḷoḷaki bo bobay inta nopobayá in oaidan monia kon tampat mita pososumbaan kon berhala inta kinotaḷáan kon tungkuḷ i Asa, ki amánea. Táe tampat mita tatua in diábí irimumudnea. Rayat in tantúpabí doman moposumba in kuruban bo kamania kon tua. Ki Yosapat in nogaid kon kapaḷ mita in Tarsis sin pogakutan kon buḷawan kon Opir, táe kapaḷ mita tatua in diábí nobaḻí iḷumeag sin nogoguyaat kon Ezion-Geber. Ki Datu Ahazia nongkon Israel in nonotogmai sinbá intau mita in kapaḷnea in ḷumeagdon moyotakin in intau mita in kapaḷ i Yosapat, táe doí in ki Yosapat umpaka mopia in yoyobayat monia takin i datu in Israel. Onda intua ki Yosapat minatoi bo iḷobong kon poḷoḷobongan kon datu mita kon kotá i Daud. Ki Yoram ki adínea in nobaḻí datu nonoḻiu kon inia. Ouman ibanea mako kon i Yosapat, kobobaraninea bo pinoparangannea mita in pinaisdon kon bonu in buk Ouman in Datu mita in Yohuda. Kon tungkuḷ intua butá in Edom diá in datu. Nomarenta kon tua in tobatúbí bupati.

DATU MITA IMITÁNEA 3:3

Ki Salomo in motabi kon i Tuhan bo dinumudui kon topotundú mita i amánea, táe umuranpa in sia noratá bo noposumba in biag kon bayongan tampat.

DATU MITA 2 14:3

Ki Amazia in nogaid kon onu inta mokosanang kon gina i Tuhan, táe diábí in sia ná ki Daud, mogoguyangnea. Naonda bo ki amánea,

DATU MITA 2 16:2

Kon dodai intua umurnea in 20 notaong, bo nomarenta in sia kon Yerusalem 16 notaong in koonggotnea. Diábí in sia dinumudui kon dodia mopia i Datu Daud, mogoguyangnea, táe nomiabí kon inta kinoyaat in gina i Tuhan, Allahnea.

DATU MITA 2 18:3

Ki Hizkia in nogaid kon onu inta mokosanang kon gina i Tuhan ná ki Daud mogoguyangnea.

DATU MITA 2 22:2

Ki Yosua in nomia kon onu inta kinosanang in gina i Tuhan. Dinumudui in sia kon aid i Datu Daud mogoguyangnea, bo dinumudui kon bayongan in hukum i Allah diá in sinaḻiban.

TAWARIKH 1 22:18

Gumannea, “Ki Tuhan Allahmu ain notuḷung kon i monimu, bo nobogoi in dodamean bo bayongan in kobiagan motompia kon bayongan butá. Sia in nopountungdon kon inakó nongkon bayongan in bangusa inta dungkuḷmai nogutun kon butá tanaa. Tanaa mosia in notoguondokdon kon inimu bo kon i Tuhan.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

TAWARIKH 2 17:2

Sinampatneadon in tontara kon bayongan in kotá inta dininding kon Yohuda, bo kon butá mita inta kon ḷuai in kotá kon Yohuda, bo kon kotá mita inta inagow i amánea kon butá in Epraim.

TAWARIKH 2 17:4

táe tongábí moibada kon i Allah. Sia in motoindudui kon bayongan in parenta i Allah, bo kobobiagnea in diábí ná datu mita in Israel.

TAWARIKH 2 20:32

Naonda bo ki Asa ki amánea, ki Yosapat nogaid kon onu inta mopia kon tayowon i Tuhan.

TAWARIKH 2 21:12

Bo ki Yehoram in nokouḻí kon surat tobatú inta pinais i Nabi Elia kon wakutu in sia nobiagpa. Nanaa in tombonu in surat tatua, “Ki Tuhan, Allah inta sinumba i Daud mohukum kon i Tuang sin ki Tuang in diá dinumudui kon aid i amá bo i aki i Tuang.

TAWARIKH 2 22:9

Onda intua nopotabá in sia kon intau notayak kon i Ahazia inta kon dodai intua nogadop kon Samaria. Naonda in nouḻídon in ki Ahazia, dinia in sia kon i Yehu bo iḻimod. Umpaka natua táe iḷobongbí doman monia in sia sin mohoromat in mosia kon i Datu Yosapat, ki akinea inta nogundoi kon i Tuhan takin ḻimbatú in gina. Nongkon motoḷuadí i Ahazia diábí in mokotongod mogamá kon ḷoḻitúan in pomarentaan.

TAWARIKH 2 27:6

Kodugang-kodugang in kawasa i Yotam sin mosatia in sia bo motoindudui kon i Tuhan Allahnea.

TAWARIKH 2 29:2

Ki Hizkia in nogaid kon onu inta kinoibog i Tuhan ná ki Datu Daud mogoguyangnea.

TAWARIKH 2 34:2

Sia in nogaid kon onu inta mokosanang kon gina i Tuhan; sia in dinumudui kon oaid mopia i Datu Daud mogoguyangnea, bo dinumudui kon bayongan in hukum i Allah takin ḻimbatú in gina.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 4:12

Tanaa mako, bayádon, Akuoi in motuḷung kon inimu mosingog bo motundú kon onu inta musti pogumanmu.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 2:23

Totuu mokobaḻí in iko in mosingog kon iko in diá moromú, bo Baal in diábí kon dodai in onda in dinuduianmu! Indoiai in dodiamu kon ḷopá, torop in aidmu moraat bo akudon! Iko in naonda bo unta kobaayan inta iḷanúan in ibog, moribatuk mamagí mamako diádon koḷamboian,

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 25:16

Simpaḷ inta notarima kon ḻima noribu tua minayá, bo nopobaraguna in doit inta inogoi tatua dá nokouḻí in sia kon ḻima doman noribu bui.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

HAKIM MITA 2:11

Onda intua intau in Israel binaradosadon kon i Tuhan. Mosia in diá bidon nosumba kon i Tuhan, Allah in mogoguyang monia, ki Allah inta ain nodia kon i monia iḻumuai nongkon Mesir. Mosia nomangkoidon nosumba kon i Baal bo kon i Asytoret takin dewa mita ibanea inta sinumba in bangusa mita inta kon diugmai monia. Dá ki Tuhan sinumorú kon i monia bo pinomayá-Neadon mako in musung nonubu bo nogagow kon i monia. Mosia kinodaitandon in akaḷ in tumayow kon musung mita inta ain noḻipung kon i monia.

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.

HAKIM MITA 6:12

Malaekat i Tuhan tatua nokipogontong kon inia bo poḷat noguman, “Ei, tayowmobiag inta motorindog! Ki Tuhan kotaki-takinmu!”

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.

SAMUEL 1 18:12

Kinomangaḻeandon i Saul kon iḷukadandon i Tuhan in ki Daud táe sia in sinaḷáandon i Tuhan. Tuamai inagíandon in ondok in sia kon i Daud.

SAMUEL 1 18:14

Umuran in sia mokoḷapat kon bayongan in oaidannea, sin ki Tuhan in notuḷung kon inia.

SAMUEL 1 18:5

Mopia komintan in pinogogai i Daud kon bayongan inta pinoki aid i Saul kon inia. Tuamai in binaḻí i Saul in sia porwira kon bonu in tontaranea, bo ki Daud in kinoibog in bayongan tontara bo bobantung mita i Saul.