TAWARIKH 2 17:10 - Alkitab Singog In Mongondow Masa In Tanaa

¹⁰ Ki Tuhan nopobaḻí kon bayongan in dodatuan kon diugmai in Yohuda moondok in moparang monayow kon i Datu Yosapat.

TAWARIKH 2 17:10 ပူးပေါင်းရင်းမြစ်များ

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

TAWARIKH 2 14:13

Ki Asa bo tontaranea in nondudur kon i monia nodapot in Gerar. Kon dotá in Sudan nobarong totok in minatoi dá tontara monia in diádon mokopongonu sin irimumudon i Tuhan bo tontara doman mita in Yohuda nogagowdon kon nobayong totok in pakakat monia. Onda intua tontara in Yohuda norimumud kon kotá mita kon butá mita inta kon diug in Gerar, sin ki Tuhan in nopobaḻídon kon intau mita inta kon tua inagían in ondok. Tontara in Yohuda nogagow kon bayongan in kotá tatua bo nokouḻí kon nobayong totok in pakakat.

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 2 20:29

Bayongan in bangusa ibanea noondokdon naonda in nokodongog kon naonda in ki Tuhan nonaḷow kon musung mita in Israel.

IḶUAIAN 34:24

Naonda in mopaḷut mako Akuoi mopoguntun in bangusa mita nongkon tayowonmu bo dugangan-Kudon in kooḷad in butámu, diá tobatúmai intau in mobarani mogagow kon butámu kon dodai in moiko mayá sin morame kon Pesta Roti Diá in Ragi, Pesta Pobatunan kon Boyó bo Pesta Pondok Daun.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

MIKHA 7:17

Mosia in kumuábí kon butá naonda bo uḷag. Takin ondok bo urot mosia in ḷumuaidon nongkon poḷoḷukadan monia, bodongka mamangoi kon ini-Mu, o Tuhan Allah nami.