TAWARIKH 2 16:9 - Alkitab Singog In Mongondow Masa In Tanaa

⁹ Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”

TAWARIKH 2 16:9 ပူးပေါင်းရင်းမြစ်များ

KINOBAḺIAN 31:28

Nodapot in diádon inogoianmu in akuoi in kasampatan nongayok kon i adí bo kon i ompuku saḷaku tanda moyogapídon. Totuu mobodok in aidmu tanaa!

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

DATU MITA IMITÁNEA 15:32

Kon bonu in pinomarentaan i Datu Baesa inta nongkon Israel, parang tantúpa doman nobaḻí kon sigad i Baesa bo i Datu Asa nongkon Yohuda.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

TAWARIKH 1 21:8

Bo nosambayangdon in ki Daud kon i Allah kainia, “Oo Allah, akuoi naa in totokdon in binaradosa, ampungaipa kaasí in akuoi naa sin aidku tatua in nopompuḷongdon totok.”

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.

TAWARIKH 2 15:19

Nodapot kon taong intoḷu nopuḷú bo ḻima kon pinomarentaan i Asa diábí nomuka-muka in parang bui kon butá tatua.

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

TAWARIKH 2 19:9

Ki Yosapat in nobogoi kon hakim mita tatua in parenta tanaa, “Pobayá in oaidanmu takin pirisaya kon i Tuhan. Duduiai in parenta-Nea kon bayongan onu in aidan monimu.

TAWARIKH 2 6:20

Igumon mako doḷom singgai Iko in moḷukad kon baḷoi tanaa inta ain piniḻí-Mu nobaḻí pooibadaan kon ini-Mu. Igumon mako nongkon tampat-mu kon soroga Iko mokidongog bo mongampung kon inakó bo intau in Israel, umat-Mu tua, aka kami in tumayow kon baḷoi tanaa bo mosambayang kon ini-Mu.

EZRA 5:5

Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

AYUB 28:24

sin Sia in nokoontong kon popod mita in dunia; bayongan inta kon ḻimonag in ḷangit sinaridian-Nea mako.

AYUB 31:4

Kinotaauanbí i Allah in bayongan oaidku; inontong-Nea in bayongan ḷampangku.

AYUB 34:21

Sia in moindoi mako kon kobobiag in intau, inindoian-Nea in bayongan ḷampangnea.

MAZMUR 113:6

Táe Sia in kinumuyungbí sin moindoi kon ḷangit bo butá.

MAZMUR 33:14

Nongkon pomomarentaan-Nea ki Tuhan in nonaridi kon bayongan inta nogutun kon butá.

MAZMUR 33:15

Siabí inta nomia kon gina monia, bo nonotaau kon bayongan in oaid monia.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 37:37

Tondudutka in intau mopia bo motuḻid in gina; intau inta moibog in dodamean mopiabí in kobiagannea moiduduimai.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

AMSAL 5:21

Ki Tuhan in moindoibí kon bayongan yagi-yagi inta inaidan in intau. Kon ondaka in intau mayá umuranbí indoian mako i Tuhan.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

LUKAS 12:20

Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

KORINTUS 1 15:36

Ei intau bodok! Aka iko bo mopomuḷa in batoḷ kon bonu in butá, yo batoḷ tatua in diábí mobiag aka diá matoi muna.

GALATIA 3:1

Utat mita intau in Galatia! Moiko nion in totuudon mobodok! Ki ine degá in nopongaru kon i monimu? Eta kinoḻiongandon monimu inta pinogumanku kon tayowonmai monimu. Akuoi in noguman kon ki Kristus aindon pinopopakú kon kayu pinoyotaḻempang!

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 3:12

Sin umuranbí indoian i Tuhan in intau mita inta dinumudui kon onu inta kinoibog-Nea, bo umuranbí i Tuhan indongogan in sambayang mita monia; táe ki Tuhan in moḷawangbí kon intau mita inta umuran mogaid kon onu inta moraat.”

SAMUEL 1 13:13

Nokodongogmai kon natua, ki Samuel in noguman kon i Saul, “Mobodok totok in aid i Tuang tatua. Aka kuma bo ki Tuang in dinumudui kon parenta i Tuhan Allah kon i Tuang Datu, yo tantúon bidon i Tuhan kon mononoi in Tuang Datu bo buí i Tuang Datu in momarenta mobaḻí datu kon Israel naa.